Popular Bible Verses from Hahatakei Haeu 7

Share

Muhin nga ningahi teka kilai seilon mongohualaha kaha kum pon wexean. Laha ti lawe xux, nenex tehu tehu ma kakaialaha tenen tenen. Laha tutu mateiwai tetel Masiwi i toto he tehu totoan tuah ma totok *sipsip uluha kapin. Puxuaulaha papaxaxun a weluwelun ma laha akekeni kai hatoh.

Ape laha tilol eliel ukek, “Haeu tel Tamakaha, tetel i toto he tehu totoan tuah ma totok sipsip uluha kapin, lalu se awaiakaha.”

I sohot ukek ien nake totok sipsip uluha kapi Haeu i ngangahati ma neneini laha hani Haeu masin ti na kinawe seilon pate paxepaxen ape tel i neini laha hani tehu kan. Ape tatahan kum hatangi ulei laha nake Haeu xaxaweni hatapo lawe kawatan.”

“Aile ape laha hahamalum kapi Haeu mate tehu totoan tuah tetan ape ngain ma ipong laha ailele puasan leili tehu Ingan. Ape ngangahat tetan i kalauhi laha. Tap hitolo ti tenen na waliko tunahi ulei laha. Kekei alon ma na waliko liai tin i kum keti laha.

“Kum aile hahalialumu xux, kanitax ma na pata atengiwa taen amite hana kewa kikilam ti Haeu he kawe teka unauan.” Ape nga hong ka mongohe teteka seilon laha hina kikilam ti Haeu 144,000 seilon ti lawe nenex ti *Israel.