Popular Bible Verses from Pilipai 2

Share

Kum namiloi aliliake mewenae amuto ma kum ailele waliko ti lehe seilon sameni amuto. Kum haxawa aliliake amuto, namiloi kewak seilon liai pamu tuah ti amuto. Namiloiwa ailei waliko solian hani seilon liai kumahe mewenae na solian ti amuto.

Ti lawe namilomuto, usi hatapo hawanewa namili *Jises Krais.

Kalak i se Haeu, i kum aka kongini tesol totone Haeu. I aka lioi soliai totone Haeu ape i teheni i hanowi tel tuahe unaui seilon lokon ti i sohotuma seilon. Ti i he tehu pon ie, i teheni hawane i ti hong usiai namili tel Taman Haeu hani taen ti matean he kros hanowi seilon tenen woun lialun.

Puki Haeu pupuas leilomuto. I hanamiloa ma hapohea amuto ti ailei waliko tenen i amuke.

Aile ape Haeu haxawa hawane i ape hana i pamu tuah ti lawe seilon. Haeu aile ukek ien lehe teka patul he tonan, teka ti itan ie ma teka maten laha hatesol lokuha hani Jises Krais ti samenian. Ape lawe seilon kaxi hei ka Jises Krais i tel Masiwi tapein. Ti laha aile ukek ien, se laha hahaxawa axe Haeu tel Taman.

Ti lawe puasain na amuto aile, kum aile hahakila kakain ma kum kak hapatapat. Ti lawe waliko na amuto aile, hanowiwa ti teka seilon sawisawin lehe tap tel pon tieniamuto ti tenen na waliko. Amuto se nati Haeu, aile ape nahih alua hawanewa wasole teka seilon woulaha pate lialun lehe amuto masin xewan ti haxewaialaha hanowi kamai kohot i haxewa maun.

Tesol soliai akikik ti Krais, nga tioi lawe amuto hong usi Haeu. Aile ape amuto puas aka matainiwa ti ailei hatesol waliko solian hanowi seilon tenen Haeu awawai ti kawatan ti lialui woulaha. Amuto aile tatalewa kumahe mewenae na nga kapimuto, puas eliel ahewa kalak na nga tap.