Popular Bible Verses from Romanos 2

Jaꞌ jaex che naꞌoc yin ebꞌ chi unen wan man watxꞌoj tuꞌ. ¿Tumi oj skeꞌ je colon el je bꞌa yalan sjowal scꞌul Dios oj jul yibꞌan ebꞌ chi unen man watxꞌoj tuꞌ, che naꞌ? Quey pax tuꞌ che yute je bꞌa jaxca ebꞌ tuꞌ. Jaꞌ Dios caw miman swatxꞌcꞌulal, caw ey smimancꞌulal. Man comonoj chi tit sjowal scꞌul Dios. Tejan ey jex cꞌam pax yeloc apnoj wan tiꞌ yul je sat. ¿Tumi man je yotaj oj tol chi yakꞌ mimancꞌulal kibꞌan, yet watxꞌ chi yakꞌ snaꞌ sbꞌa cu cꞌul?

Yal cꞌal mactxequel junoj jon chi cu naꞌoc yin junojxa mactxequel, ma skeꞌ kaloni tol cꞌam cu penail. Yutol jaꞌ yet chi cu naꞌon oc yin junojxa mactxequel, lalan kiꞌontej syaꞌtajilal kibꞌan. Yutol jaꞌ yet lalan cu naꞌon oc yin junojxa mactxequel, laan tzet chi el kunen yetoj.

Yutol jaꞌ yul sat Dios, laan cꞌal yeloc apnoj junjun ánima.

Yutol jaꞌ ebꞌ asan tucꞌal chi abꞌen tzet chi yal jun ley tuꞌ, man watxꞌoj ebꞌ yul sat Dios. Jaꞌ ebꞌ chi jijen tzet chi yalaꞌ, jaꞌton ebꞌ, watxꞌ yul sat Dios.

Jaꞌ yet jun cꞌual tuꞌ, oj ẍaꞌ spaj sqꞌuexel jatacꞌalaꞌ tzet jix el yunen junjun ánima.

Ey pax ebꞌ, asan yet ey yeloc apnoj yul sat. Cꞌam chi sjije cuybꞌanile caw yel. Asan yin tzet cꞌam swatxꞌil eyoc snaꞌbꞌal ebꞌ. Caw miman sjowal scꞌul Dios oj tit yibꞌan ebꞌ, catuꞌ oj yaon oc syaꞌtajilal Dios yibꞌan ebꞌ.

Jal jex jaex tiꞌ, cꞌam che jije pax oj. Cꞌam che naꞌel niꞌoj je bꞌa. Yuxan lalan cꞌal je yambꞌan oc sjowal scꞌul Dios je yibꞌan. Jaꞌ yet oj jul jun scꞌual syaꞌtajil tuꞌ, je yet cꞌal eloj, jaꞌ yet jun cꞌual tuꞌ oj txeclo eloj, tol watxꞌ cꞌal lalan yunen snaꞌon oc Dios yin masanil ebꞌ.