Popular Bible Verses from Números 20

Share

Jix lawi tuꞌ xin, catuꞌ jix yalon Jehová tet naj Moisés cꞌal tet naj Aarón jaxca tiꞌ: —Yutol jaex tiꞌ ma jin je yaoc yin je cꞌul, ma je yiꞌa can jin bꞌi sattaj ebꞌ conobꞌ Israel tiꞌ, yutol asanxane jin ocoj, yu jun tuꞌ xin, man oj je yiꞌtoj wan ánima tiꞌ bꞌey sat txꞌotxꞌ txꞌotxꞌ tuꞌ, bꞌey jix walaꞌ tol oj wakꞌ ey jex, ẍi Dios.

—Iꞌtoj ja kꞌojoch tiꞌ, catuꞌ cha walon tet naj ja wuẍtaj Aarón tol chi colwa ja wetoj yet che yambꞌan oc ebꞌ ánima. Catuꞌ chex too bꞌey jun chꞌen miman chꞌen, cha walon tet chꞌen tol chi elol jaꞌ jaꞌ sat chꞌen chꞌen tuꞌ, jaxa sattaj masanil ebꞌ ánima tuꞌ oj elol jaꞌ, jaxa yuqꞌuen jaꞌ ebꞌ yetoj cꞌal sjobꞌbꞌeal noꞌ ebꞌ, ẍi Dios.

Jaꞌ yet jix lawi yalon jaxca tuꞌ, jix yiꞌon a skꞌabꞌ naj Moisés yetoj skꞌojoch, cael jix smakꞌoc naj yin sat jun chꞌen chꞌen tuꞌ, catuꞌ jix elol secna jaꞌ jaꞌ tituꞌ; jix yuqꞌuen jaꞌ ebꞌ ánima tuꞌ yetoj noꞌ sjobꞌbꞌeal noꞌ ebꞌ.

Catuꞌ jix yambꞌale oc ebꞌ ánima yu naj Moisés cꞌal yu naj Aarón jix yalon tet ebꞌ jaxca tiꞌ: —¡Abꞌwej tzet oj wal ey jex jaex cꞌam swatxꞌil je naꞌbꞌal tiꞌ! ¿Tumi jaꞌ sat jun chꞌen miman chꞌen tiꞌ chi kiꞌeltej jaꞌ jaꞌ, catuꞌ chi kakꞌon jaꞌ je yuqꞌueꞌ? ẍi naj Moisés tet ebꞌ.