Yuxan, ta ey junoj tzetyetal tol qꞌueyubꞌtaj oj yun Jehová xin, ta oj sjaj sbꞌa txꞌotxꞌ txꞌotxꞌ tiꞌ, catuꞌ yin yiquisal ebꞌ ánima tiꞌ catuꞌ oj bꞌukꞌle eytoj ebꞌ yu txꞌotxꞌ, yetoj cꞌal masanil stzetyetal ebꞌ, ta queytuꞌ oj yun ebꞌ, oj je yotajne eloj tol jaꞌ wan ánima tiꞌ jix intajnen el Dios, ẍi naj Moisés.
Jaꞌ yet jix lawi yalon naj Moisés wan kꞌane tuꞌ, catuꞌ jix sjajon sbꞌa txꞌotxꞌ txꞌotxꞌ yalan ebꞌ. Catuꞌ jix bꞌukꞌle eytoj ebꞌ ánima tuꞌ yu txꞌotxꞌ, jaꞌton ebꞌ jix sjunbꞌane ey sbꞌa yetoj naj Coré cꞌal masanil yuninal ebꞌ cꞌal jantaj stzetyetal ebꞌ.
