Popular Bible Verses from Números 14

Share

Yuxan cꞌam ojabꞌ che yiꞌel je naꞌbꞌal yin Jehová, catuꞌ cꞌam ojabꞌ chex xiw tet ebꞌ ánima caan bꞌey jun txꞌotxꞌ tuꞌ. Jaxca wal cu loꞌon junoj ixim pan, queytuꞌ oj yun sqꞌueyel ebꞌ naj tuꞌ ku. Tumi ey mactxequel oj colon ecꞌ ebꞌ ey jon, jal jon pax jaon tiꞌ xin, eyoc Jehová ketoj. Cꞌam chex xiw tet ebꞌ, ẍi ebꞌ naj.

tol man comonoj chi tit ja jowal yin eymanil, yutol ey ja camcꞌulal cꞌal ja mimancꞌulal yibꞌan ebꞌ pena chi yute sbꞌa, cꞌal ebꞌ pit chi yute snaꞌbꞌal, caxcꞌal yin cꞌuancꞌulal cha waon oc syaꞌilal yibꞌan mactxequel ey spenail, cꞌal yibꞌan yuninal ebꞌ cꞌal yitxiquin ebꞌ cꞌal yuninal yitxiquin ebꞌ.

Ta chi el yin scꞌul Jehová tol oj colwa ketoj, oj kil cꞌaltaꞌ oc yin txꞌotxꞌ, jaꞌ Naj oj akꞌon txꞌotxꞌ ey jonwej. Jaꞌ jun txꞌotxꞌ tuꞌ, caw wal yaax sat txꞌotxꞌ.

Asanne naj jin chejabꞌ Caleb, oj apnoj oc bꞌey sat txꞌotxꞌ txꞌotxꞌ tuꞌ, yutol jijem cꞌal naj ey jin an, watxꞌ cꞌal snaꞌbꞌal naj; jaꞌ oj iꞌon can oc jun txꞌotxꞌ txꞌotxꞌ tuꞌ yetoj ebꞌ yuninal, jaꞌton txꞌotxꞌ jix bꞌet yilecꞌ tuꞌ.

Asiꞌ, al tet ebꞌ tol jain chi wal jaxca tiꞌ: Jain Jehová jin tiꞌ, chi wakꞌ jin tiꞌ tol oj yun jaxca wal jix yun wabꞌen je yalon tuꞌ.

Jix yalon Jehová tet naj Moisés jaxca tiꞌ: —¿Bꞌakꞌin oj sbꞌej wan ánima tiꞌ jin yintajnen eloj? ¿Bꞌakꞌin oj sbꞌejcan ebꞌ yakꞌon caabꞌcꞌulal win, ti wal lalan jin txꞌoxon wan milagro tiꞌ tet ebꞌ?

Masanil ebꞌ ánima tuꞌ, jix oc cꞌal ian ebꞌ yalon pena kꞌane yin Moisés cꞌal yin naj Aarón, jix yalon ebꞌ jaxca tiꞌ: ¡Yel xacꞌal mi watxꞌ ta jaꞌ bꞌey txꞌotxꞌ Egipto, ma xin jaꞌ bꞌey txꞌotxꞌ cusiltaj txꞌotxꞌ tiꞌ chi cu cam xacꞌal canoj!

Jaxa pax Josué, scꞌaal Nun cꞌal yetoj naj Caleb, scꞌaal Jefuné, jaꞌton ebꞌ jix bꞌet ilon ecꞌ txꞌotxꞌ txꞌotxꞌ tuꞌ, jix oc ian stzilontoj spichil ebꞌ yu xꞌoxon el ebꞌ tol chi cus scꞌul ebꞌ. Jix yalon ebꞌ xol masanil ánima jaxca tiꞌ: —Ja jun txꞌotxꞌ txꞌotxꞌ jix bꞌet kilecꞌ tuꞌ jon, caw wal watxꞌ txꞌotxꞌ.

Caw wal yel iquis jin cꞌal, caw nonaj el masanil yul yibꞌankꞌinal tiꞌ yu jin tzejejial, jaꞌ ebꞌ jix ilon yin jin tzejejial tiꞌ, yetoj wan qꞌueyubꞌtaj yili jix jin txꞌox tet ebꞌ bꞌey Egipto, jix jin txꞌox pax yil ebꞌ bꞌey txꞌotxꞌ cusiltaj txꞌotxꞌ tiꞌ, ilaꞌ tol laonel xa chin yakꞌ porobꞌal ebꞌ, catuꞌ cꞌam cꞌal chi sjije niꞌoj ebꞌ tzet chi walaꞌ. Yu jun tuꞌ xin, chi walon canoj tol cꞌam junoj ebꞌ oj ilon oc yin jun txꞌotxꞌ bꞌey jix wakꞌ jin tiꞌ wakꞌon can tet yichmam ebꞌ. Cꞌam cꞌal junoj ebꞌ chin intajnen can eloj, oj yiloc yin jun txꞌotxꞌ txꞌotxꞌ tuꞌ ebꞌ.