Popular Bible Verses from Mateo 23

Share

Yal cꞌal mac bꞌejan cꞌal scꞌul yoc yakꞌomaloj servil je xol, jaꞌton jun tuꞌ yel miman yeloc apnoj.

Yal cꞌal mac chi yiꞌa can sbꞌa, oj utele yin yeynajil. Jal ebꞌ chi yiꞌeytej sbꞌa, jaꞌton ebꞌ tuꞌ oj iꞌle aoj.

Jex cuywam yin sley Moisés cꞌal jex Fariseo, caw okꞌbꞌal jex cꞌule. Caabꞌ sat jex. Che yakꞌ sdiezmoal an alawen, an aniẍ, cꞌal an comino. Jal pax wan ẍejbꞌanil Dios miman yeloc apnoj, toj che jije. Jaꞌton wan chejbꞌanile tiꞌ chi aloni, tol sowalil watxꞌ ojabꞌ chi kute cu bꞌa, chi okꞌ cu cꞌul yin ket animail, catuꞌ chi kaon oc cu cꞌul yin Dios. Ilaꞌ tol cꞌam pax yeloc apnoj wan tiꞌ yul je sat. Caw sowalil tol che jije wan tiꞌ, catuꞌ che jijen pax wanxa tuꞌ.

Jex cuywam yin sley Moisés cꞌal jex Fariseo, caw okꞌbꞌal jex cꞌule. Caabꞌ sat jex. Jaex tiꞌ, laan jex jaxca junoj mactxequel asan yinlaj vaso cꞌal yinlaj plato chi xꞌaeloj. Jal pax yul, nonaj el yu elkꞌan cꞌal yu spenail.

Jaꞌ jaex tiꞌ, jex a Jerusalén. Che makꞌ cam ebꞌ ẍejabꞌ Dios, cꞌal wanxa ebꞌ chejbꞌiltej yu Dios je nan je xol che kꞌojchꞌenne cam ebꞌ. Ecꞌal el chi woche jix jex wawtetej ey jin tiꞌ an, jaxca junoj noꞌ caẍlan chi skꞌuttetej yuneꞌ, catuꞌ chi smooni, ma pax yal je cꞌul.

Quey jex ton tuꞌ xin, yutol jaꞌ yul sat ebꞌ ánima watxꞌ che yute je bꞌa. Caw caabꞌ sat jex yul je cꞌul, catuꞌ caw ey je penail.