Popular Bible Verses from Mateo 12

Share

Chi wal ey jex, tol jaꞌ yet oj jul jun cꞌual chi naꞌle oc kin, oj naꞌle oc yin masanil ánima yu masanil wan kꞌane cꞌam tzet chi oqui jix yal ebꞌ. Jaꞌ Dios oj naꞌon oc je yin yu tzet che yalaꞌ. Jaꞌ yet tuꞌ oj al-leoj, ta oj oc tzet jix je yal tuꞌ je penailoj, ma cꞌamaj, ẍi Jesucristo.

Jaex tiꞌ, laan jex jaxca noꞌ labꞌa. Pena jex. Yuxan ¿tumi ey niꞌoj tzetyetal watxꞌ chi skeꞌ je yaloni? Yutol jaꞌ tzet ey bꞌey cu pixan, jaꞌ chi kalaꞌ.

Jaꞌ mac watxꞌ snaꞌbꞌal, watxꞌ tzet chi yalaꞌ, yutol asan tzet watxꞌ ey bꞌey spixan ebꞌ. Jal pax ebꞌ pena snaꞌbꞌal xin, pena pax tzet chi yalaꞌ, yutol asan tzet pena ey bꞌey spixan ebꞌ.

Yuxan chi wal ey jex an, tol yal cꞌal tzet penail chi yal ánima cꞌal chi el yuneni, oj akꞌle mimancꞌulal yin yu Dios. Jal pax mac chi bꞌuchon Naj Santo Espíritu xin, cꞌamxa cꞌal mimancꞌulal yin ebꞌ.

Kꞌinaloj ta ey teꞌ teꞌ watxꞌ, cꞌam sat pena chi yakꞌa. Jacꞌalaꞌ, pax teꞌ teꞌ pena, cꞌam pax sat teꞌ watxꞌ chi yakꞌa. Yu sat junjun teꞌ chi yakꞌa, yuxan chi kotajne el tzet teꞌal teꞌ teꞌ tuꞌ.