Popular Bible Verses from Levítico 26

Share

Oj jin eecꞌal ecꞌ je xol jain je Diosal jin tiꞌ, jal jex jaex tiꞌ, oj jex oc jin conobꞌoj.

ta jaxca tuꞌ, oj waeytej nabꞌ yin stiempoal, catuꞌ oj yakꞌon sat je yawo sat je txꞌotxꞌ, catuꞌ oj yakꞌon cꞌal pax sat teꞌ teꞌ.

Ta oj je bꞌeybꞌalne catuꞌ che jijen jin chejbꞌanil tiꞌ

Oj wakꞌon jin watxꞌcꞌulal ey jex bꞌey yul je conobꞌ tiꞌ. Oj jex wey yin tzalacꞌulal, cꞌam mactxequel oj jex xibꞌtenoj. Oj jex jin colel tet noꞌ xol-laj teꞌal noꞌ ey smey, cꞌal yul skꞌabꞌ jowal.

Caw wal oj jex jin camcꞌulne, oj wakꞌon cꞌal jin watxꞌcꞌulal ey jex. Caw oj wiꞌa can je bꞌisil, catuꞌ oj eloc jaxca bꞌey jix wakꞌcan jin tiꞌ ey jex.

Jain Jehová je Diosal jin chi walaꞌ, jain jix jex wiꞌeltej bꞌey txꞌotxꞌ Egipto, yet watxꞌ cꞌam cꞌal chex cancan yin akꞌo servilal tituꞌ. Jain jix wiꞌel jun mulnail caw yaꞌtaj eyoc je yibꞌan. Yuxan manxa noanoj jex eyoj chex eqꞌui.

Oj jin eecꞌal ecꞌ je yetoj, cꞌam cꞌal bꞌey oj jex wintajne eloj.

Jix yalon pax Jehová tet naj Moisés jaxca tiꞌ: Cꞌam ojabꞌ che waꞌne a junoj echele je diosaloj. Cꞌam ojabꞌ che waꞌne a chꞌen chꞌen bꞌey eyoc yechel wan comon dios. Cꞌam ojabꞌ che latzꞌbꞌa a chꞌen chꞌen je diosaloj, cꞌam ojabꞌ chex ey noan yin eyilal tet, yutol jain Jehová je Diosal jin chi walaꞌ.

Lalantocꞌal je loꞌon ixim tiriw jix je yambꞌa a yet tax junabꞌi, tucꞌal oj toj je bꞌoscan el ixim yet oj je latzꞌon pax can ixim acꞌ tiriw junelxa.

Jaꞌ jowanoj jex, oj ela junoj 100 ebꞌ ey jex. Jaꞌ junoj 100 jex, oj ela 10,000 ebꞌ ey jex. Jaꞌ ebꞌ je cajat tuꞌ, oj eyqꞌuey ebꞌ je yu yetoj chꞌen je yespada.

Lalantocꞌal yoc kꞌupo tiriw je yu, catuꞌ stiempoal xa pax yoc uxo uva. Lalantocꞌal yoc uxo uva je yu, catuꞌ chi jul pax stiempoal yawle ixim tiriw junelxa, yuxan caw watxꞌ oj yun je lowi, tzalacꞌulal cꞌal oj yun je caey ecꞌ yul je conobꞌ.

Oj el ebꞌ je cajat ey jex; oj jex tzajlo yintaj ebꞌ, catuꞌ oj eyqꞌuey ebꞌ je yu yetoj chꞌen je yespada.

Jijewej scꞌual xewilal, ey ojabꞌ yeloc apnoj yul je sat. Miman ojabꞌ yeloc apnoj snail jin calubꞌal yul je sat, tol jain caw Jehová jin chi walaꞌ.