Popular Bible Verses from Juan 2

Jaꞌ bꞌey conobꞌ Caná, yul yet Galilea, jatuꞌ jix xꞌox jun milagro Jesús. Bꞌabꞌel milagro jun jix xꞌox tuꞌ. Queyton tuꞌ jix yute xꞌoxon eloj tol miman yipal, catuꞌ jix yaon oc scꞌul ebꞌ scuywom yin Naj.

Catuꞌ jix yalon Jesús tuꞌ jaxca tiꞌ: —Chicay, ¿tzet yuxan jaꞌ ey jin cha walaꞌ? Cꞌamto chi aapnoj stiempoal jin txꞌoxon el wipal xol ánima, ẍi Naj tet xutx.

Catuꞌ jix yalon Jesús tet ebꞌ chi akꞌon servil tuꞌ jaxca tiꞌ: —Akꞌwej no wan neet tiꞌ, ẍi Naj tet ebꞌ. Catuꞌ jaꞌ yet jix noi, jix yalon Jesús tet ebꞌ jaxca tiꞌ: —Tinaniꞌ xin, letxwej atej niꞌoj, catuꞌ che yakꞌon tet naj chi ilon sloꞌoal jun nupil tiꞌ, ẍi Jesús tet ebꞌ. Catuꞌ jix yakꞌon tet naj tuꞌ.

Yuxan jix yal Naj tet ebꞌ jaxca tiꞌ: —Ta che yakꞌ lawoj jun stemplo Dios tiꞌ, yin yox cꞌual catuꞌ chi a pax wu junelxa an, ẍi Naj tet ebꞌ.

Jaꞌ yet jix yilon jaxca tuꞌ xin, jix swaꞌnen jun txꞌan tzꞌuum yin eyman. Jix ujtele eltej masanil ebꞌ yul stemplo Dios tuꞌ, yetoj cꞌal noꞌ meꞌ tuꞌ, cꞌal noꞌ wacax tuꞌ. Jix lawi tuꞌ xin, jix smakꞌon el tiẍna stumin ebꞌ qꞌuexom tumin tuꞌ sat meẍa. Jix tenon pax a pacꞌlabꞌoj smeẍa ebꞌ. Catuꞌ jix yalon tet ebꞌ chi txonwi uch tuꞌ jaxca tiꞌ: —Iꞌwej el wan tzꞌiquin tiꞌ. Manche je yute sna jin Mam tiꞌ txombꞌalil, ẍi Jesús tet ebꞌ.