Popular Bible Verses from Éxodo 34

Share

Jaꞌ yet lalan yecꞌtoj Jehová sattaj Moisés, caw ip jix yun yalon jaxca tiꞌ: —Jain ton Jehová jin, Jehová jin bꞌi. Caw chi okꞌ jin cꞌul yin ebꞌ ánima, caw ey jin mimancꞌulal yin ebꞌ, yutol ey jin camcꞌulal yin ebꞌ. Caw ey jin camcꞌulal yibꞌan masanil ebꞌ ánima. Ey jin mimancꞌulal yibꞌan spenail ebꞌ. Miman chi wute jin cꞌul yibꞌan spenail ebꞌ chi oqui, asan xin, jaꞌ ebꞌ ey spenail tuꞌ, man oj can ebꞌ jaxca tuꞌ. Sowalil oj waoc syaꞌilal yibꞌan ebꞌ mame txutxe, ebꞌ uninale cꞌal yicꞌaal ebꞌ yet bꞌakꞌin, ẍi Dios.

Manche jex oc eyilal bꞌey junojxa comon dios, yutol jain Jehová jin, caw jow jin yin wan tuꞌ.

Jix yalon Jehová tet Moisés jaxca tiꞌ: Abꞌ tzet oj walaꞌ: Jaꞌ tinaniꞌ, chin waꞌne can jun jin wa kꞌane yetoj masanil ebꞌ ja wet conobꞌ. Oj wun tzet qꞌueyubꞌtaj yoqui, tol cꞌam tocꞌal bꞌey chi yun juneloj bꞌey junojxa conobꞌ bꞌey yul yibꞌankꞌinal tiꞌ. Jaꞌ masanil ebꞌ ánima jaꞌjun je yetoj tiꞌ, oj yil ebꞌ masanil tzet oj wun je xol, caw qꞌueyubꞌtaj yili tzet oj wunne.