Popular Bible Verses from Éxodo 23

Share

Asanne jin Jehová, je Diosal jin, chex ey noan ey jin. Ta jaxca tuꞌ che yute, oj wakꞌ je loꞌbꞌe masanil. Man oj jex jin chaꞌ yaꞌbꞌoj eyoj. Catuꞌ oj wakꞌon naatbꞌoj je kꞌinal. Jaxa yul je conobꞌ tiꞌ, cꞌam junoj ebꞌ ix ix tucꞌal oj ecꞌ el yuneꞌ, cꞌam pax junoj ebꞌ ix man oj uneꞌwoj.

Oj jin chejtoj junoj wángel je sattaj, yet watxꞌ chex teynele yul-laj bꞌe, catuꞌ oj jex yiꞌontoj bꞌey jun txꞌotxꞌ txꞌotxꞌ tol watxꞌ xa yeoc wu an, jaꞌton bꞌey oj jex caey ecꞌoj.

Ta tol che jije tzet chi yalaꞌ, catuꞌ che yunen cꞌal tzet chi yal jin qꞌuexeloj, oj watoj sjowal jin cꞌul yin mac pena chi yute snaꞌbꞌal je yin, oj jin oc linan sattaj mactxequel chi yoche chi stecꞌbꞌa sbꞌa je sattaj.

Manche je yatoj je bꞌa xol lekꞌtiꞌal kꞌane, yu je yoc yetoj junojxa bꞌulan ánima chi unen spenail. Caxcꞌal mebꞌa junoj ánima, ta ey spenail, cꞌam che yaoc je bꞌa yetoj.

Manche je yal lekꞌtiꞌal kꞌane yin je yet animail, cꞌam che junbꞌane je bꞌa yetoj junoj pena snaꞌbꞌal. Manche je yatoj je bꞌa xol lekꞌtiꞌ kꞌaneal yetoj junojxa.