Popular Bible Verses from 1a Corintios 1

Yutol jaꞌ ebꞌ yeynajil yul sat ánima yul yibꞌankꞌinal tiꞌ, jaꞌ ebꞌ chi iꞌle a can yu Dios, yu xeclo el sqꞌuixwil ebꞌ jelan chi yute sbꞌa snaꞌoni. Yetoj ebꞌ cꞌam yeloc apnoj niꞌoj yul sat ánima, jaꞌ ebꞌ chi iꞌle a can tuꞌ, yu yel sqꞌuixwil ebꞌ miman yeloc apnoj snaꞌoni.

Yutol jaꞌ skꞌaneal scamichal Cristo yin teꞌ culus, cꞌam yeloc apnoj yul sat ebꞌ ánima chi qꞌueyecꞌoj. Jal pax yul cu sat, jaon lalan cu colcha tiꞌ, yipalil Dios yeoc jun skꞌaneal tuꞌ.

Yu jix akꞌle cam Cristo yin culus yu Dios, yuxan jaxca tol cꞌam snaꞌbꞌal Dios tuꞌ snaꞌon ánima. Jal pax yin scamichal tuꞌ, jix xꞌox eloj, tol ecꞌbꞌan sjelanil Dios yintaj masanil ebꞌ ánima. Jacꞌalaꞌ chi snaꞌon ebꞌ tol cꞌam yipal Dios, jix xꞌox pax Dios tol ecꞌbꞌan yipal yibꞌan masanil ánima.

Jaꞌ Dios chi cꞌal yun masanil tzet chi yalaꞌ. Jix cu yawte oc yetoj, yet watxꞌ ey kalon ket yetoj Naj Scꞌaal, jaꞌton Naj Kaawil Jesucristo.

Jex wuẍtaj, jex wanabꞌ, chin oc tean ey jex, jaxca tol jaꞌ Naj Kaawil Jesucristo chi oc tean je yin. Junxane ojabꞌ che yute je naꞌbꞌal je masanil tituꞌ. Man comonoj che poꞌoel je bꞌa xol ebꞌ kuẍtaj, ebꞌ kanabꞌ. Tol jaxca ojabꞌ junxane animail che yute je bꞌa, cꞌal je naꞌbꞌal, catuꞌ jun laan ojabꞌ tzet che yoche.

Yuxan, ¿tumi ey niꞌoj yopiso ebꞌ jelan, yetoj ebꞌ cuywam yin ley? Cꞌam pax yopiso ebꞌ jelan yin teelebꞌail. Xꞌoxnajxa Dios tol jaꞌ sjelanil yul yibꞌankꞌinal tiꞌ, cꞌam niꞌoj yopiso yu cu scoloni.