Popular Bible Verses from Neyemi 9

Share

Koni nxu benbane murutɛ nɛn wasoni, e mi i ya yamarine suxu. E mi tin e suxɛ, e ɲinan i ya kabanako feene xɔn i naxanye liga e xa, e yi e bɔɲɛni xɔdɔxɔ e murutɛni, e yi a nata a e xa yɛɛrati gbɛtɛ sugandi, e xɛtɛ e konyiyani Misiran yi. Koni i tan mi i mɛ e ra. Ala nan i tan na naxan muxune mafeluma e yulubine ra. I diɲa, i kininkinin, i mi xɔlɔn xulɛn, i ya hinanna gbo.

I tan nan keden pe Alatala ra, i tan naxan ariyanna nun kore xɔnna nun sarene birin daxi, i bɔxɔ xɔnna nun a yi seene birin da, e nun baane nun e yi seene birin. I yi niin bira niimaseene birin yi, malekane birin e xinbi sinma i tan nan bun.

Koni i ya kininkinin gbeeni, i mi e rabeɲin tonbonni. Kundaan lu nɛn e yɛɛ ra kiraan xɔn yanyin na, tɛ dɛgɛn yi lu e yɛɛ ra kɔɛɛn na. I yi i ya Nii faɲin naso e yi alogo a xa e xaran, i yi i ya Manna donseen so e yii, e nun igena, min xɔnla to e suxu. I yi i yengi dɔxɔ e xɔn ma tonbonni ɲɛɛ tonge naanin, sese mi dasa e ma, e dugine mi kala, e sanne mi kusin.