Popular Bible Verses from 1 Iuwãu 2

Share

Pyno yt eweikyꞌesat i raꞌyn o iraniaꞌin mikyꞌesat saꞌag koꞌi. Iꞌewyte yt eweikyꞌesat i raꞌyn o mesuwiaria yi totiaria saꞌag koꞌi. Maꞌato watikyꞌe mesuwarotiat minug saꞌag pote yt kat i raꞌyn Aiꞌywot atipy piat kyꞌe hap aikai. Pyno ahenoi teran ehepe kat koꞌi kat koꞌi yt naku i watikyꞌe mesuwarotiat koꞌi aipiit mikyꞌesat koꞌi yt nakuat i nug hap. Taꞌi eheha tikyꞌesat kat koꞌi kat koꞌi yt Tupana mikyꞌesat ewy i iꞌewyte -Uito poꞌog watoꞌe hap yn watikyꞌesat. Uimotypot hap yn atikyꞌesat watoꞌe pote miꞌi hap koꞌi yt Aiꞌywot atipy kaipywiat piat yt aimuꞌe hap i.

Maꞌato mesuwarote pywiat kaipyi yn aimuꞌe saꞌag koꞌi miitꞌin mikyꞌesat koꞌi ti aru tuweityk yne. Maꞌato uwe uwe Tupana mikyꞌesat ewywuat nug haria ti aru teꞌeropyhuꞌat wuatꞌi eꞌat pe.

Uito ti Tupana wywo sese watoꞌe pote waku watoineꞌen haꞌyru ewy hakiꞌyt ewy are. Waku watunug Aikaꞌiwat Iesui minug ewywuat yn waku watunug.

Pyno uhaꞌyruꞌin koꞌi uhakiꞌytꞌin koꞌi yt atikyꞌesat i ti eweiꞌaparap Tupana pe iꞌewyte miitꞌin me. Miꞌi hap etiatno ti mesup atiwan ehewowi. Maꞌato watiꞌaparap Tupana pe miitꞌin me pote waku wahenoi ahepiat iꞌaparap hap. Miꞌi hawyi Aikaꞌiwat timoherep Toꞌywot pe aimohãpyk hamuat toꞌe.

Maꞌato -Atikuap ti Tupana watoꞌe yt imikyꞌesat ewywuat nug hin i pykai miꞌi pote heso rakatno watoineꞌen. Mio tã watoꞌe pote yt kat i aipyꞌa pe topyhuꞌat pywo aiꞌe hap.

Karãpe watunug Tupana mikyꞌesat ewy ainapin hap oktan miꞌi hawyi watikuap taꞌyn aipyꞌa pe Tupana kuap haria sese wo watoineꞌen hap.

Maꞌato uito ti Tupana mohey kahato hat hẽtyhot puo uhewyry watoꞌe wen maꞌato ti aiwyriaꞌin ete aipyꞌahak yn watoineꞌen pote iꞌypyryp we wãtym muat ewy raꞌyn watopyhuꞌat are.

-Iesui yt Tupana Mipoꞌoro Aiporekuat nuat i e haria ti heso yn nakaria wo teꞌeropyhuꞌat. Iesui ewanikaptia wo wyti miꞌiria.

Miꞌiria ti Iꞌywot Haꞌyru ewanikaptia sese miꞌiria. Uwe uwe iraniaꞌin me -U yt atimohey i ti Iesui toineꞌen Tupana Saꞌyru hap e hat. Miꞌi hat ti yt Tupana wywo i sese toineꞌen. Maꞌato uwe uwe iraniaꞌin me -Uito Iesui mohey hat e miꞌi hat ti Tupana wy sese toineꞌen. Taꞌi watipun neꞌi raꞌyn Haꞌyru pote iꞌewyte Iꞌywot pun haria wo raꞌyn watoineꞌen. Maꞌato -Iesui En nyti Tupana Saꞌyru sese watoꞌe pote Iꞌywot mohey haria wo watoineꞌen. Tupana toineꞌen aipyꞌa pe.