Popular Bible Verses from 1 Kuriniu 7

Share

Yt naku i iharyꞌi waĩꞌe neꞌi teꞌaito piat ikyꞌesat turan e. Iꞌewyte yt naku i waĩꞌe neꞌi ihainia teharyꞌi piat ikyꞌesat turan e. Maꞌato ehehay teran Tupana wywo pote waku eiwoꞌopohep porapꞌi tuereto eiwoꞌopytyk hap ete e. Eiwoꞌopohep porapꞌi hawyi waku i raꞌyn eiwoꞌomowepiit katupono ahiag aru ehãꞌãg neran haype wẽtup haryporia wẽtup ihainia kyꞌesat hap ete e.

Waku ereket eharyꞌi sese wywo yn. Waku etum epiit eharyꞌi pe yn eharyꞌi piit mikyꞌesat oktan. Iꞌewyte waku etum epiit eꞌaito pe eꞌaito piit mikyꞌesat ewy. Waku toꞌe -Uipiit uheharyꞌi wat yn e. Iꞌewyte waku toꞌe -Uipiit uheꞌaito wat yn e. Yt naku i toꞌe -Uipiit yt ewat i pote yt atum i poꞌog uipiit epe yt naku i toꞌe e.

Katupono Aikyiꞌat Iesui Tupana watno. Iwato kahato saꞌup tutum aikyiꞌat temiitꞌin nuat hamo. Miꞌi pote yt naku i watopyhuꞌat yt naku i nug hap eko saꞌag eropat haria wo neꞌi e.