1
Provebs 3:5-6
Pijin Bible
SIPB
Trastem Yawe long ful haat blong yu. Yu no dipen nomoa long save blong yu seleva. Tingim Yawe long evrisamting, an bae hemi stretem rod blong yu.
2
Provebs 3:7
Yu no tingim yu seleva nao waes, tinghae long Yawe an tanem baeksaet long evri nogud samting.
3
Provebs 3:9-10
Mekhae long Yawe long wei wea yu givim go fas kaikai from gaden blong yu long hem. Sapos yu duim olsem, bae yu garem plande kaikai fo kipim, an bae yu garem staka waen.
4
Provebs 3:3
No lusim wei fo lavem pipol, an kaen long olketa olowe. Somaot long laef blong yu olsem wanfala nekles, kipim insaet long haat blong yu.
5
Provebs 3:11-12
San blong mi, yu no les long strongfala toktok blong Yawe, yu no taet long wei wea hemi stretem yu. Olsem dadi hemi lavem san blong hem, Yawe hemi stretem eniwan hu hemi lavem.
6
Provebs 3:1-2
San blong mi, tingim olketa tising blong mi, an no fogetem olketa toktok blong mi. Sapos yu duim olsem, bae yu no sot long enisamting an bae yu garem longfala laef.
7
Provebs 3:13-15
Man hu hemi faendem save an hu hemi garem waes, hem nao hemi hapi. Waes hemi gud moa winim silva, an save hemi hae moa winim gol. Waes hemi gud moa winim olketa pel an daemen, no enisamting wea yu laekem tumas hemi save winim hem.
8
Provebs 3:27
Sapos yu save helpem eniwan hu i nidim, yu mas duim nao.
9
Provebs 3:19
Yawe hemi yusim waes fo mekem wol, an long save, hemi mekem skae.