Popular Bible Verses from Levitikas 19

Share

An yufala mas no gohed fo heitem eni wantok o sensimbaek eni ravis wei blong hem. Bat, yufala mas barava lavem olketa wantok olsem yufala lavem yufala seleva, bikos mi nao Yawe.

An sapos eniwan long yufala dae, yufala mas no katem hea blong yufala long saet blong hed blong yufala, an yufala mas no pulumaot hea long biad blong yufala, an yufala mas no tatuim skin blong yufala bikos man hemi dae, an yufala mas no katem bodi blong yufala fo som dat yufala i sore. Mi nao, mi Yawe.

Yawe hemi givim toktok long Mosis fo talemaot long evriwan blong Israel. Hemi tok olsem, “Mi nao Yawe, God blong yufala, so yufala mas stap holi, bikos mi nao mi stap holi.

“Yufala mas no gohed fo barava heitem wantok blong yufala, bat taem yufala lukim wantok ya hemi duim wanem hemi rong, yufala mas go talemaot disfala rong long hem. Long disfala wei bae yufala no mekem sin from datfala man.

An yufala mas no go long olketa pipol hu i toktok wetem olketa devol blong man hu hemi dae, o olketa narafala devoldevol. Sapos yufala lukaotem olketa, oraet, yufala spoelem yufala seleva long ae blong mi, bikos mi nao Yawe, God blong yufala.

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.