Popular Bible Verses from Jajis 7

Share

Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Den Yawe hemi tok olsem long hem, “Bae mi yusim 300 man ya fo sevem yufala, an bae mi mekem yufala fo winim ami blong Midian long faet. Bat yu talem olketa narafala man ya fo go hom.”

Nao Jerub-Baal, hu hemi Gidion, wetem olketa soldia blong hem i getap long eli moning an olketa go fo stap kolsap long springwata long Harod. Olketa stap kolsap long hil wea olketa kolem Gilead. An ami blong Midian hemi stap long narasaet long bikfala flat ples long Jesreel long not, kolsap long wanfala hil wea nem blong hem nao More. Yawe hemi tok olsem long hem, “Gidion. Ami blong yu hemi bik tumas, mi no save yusim olketa fo winim ami blong Midian. Sapos olketa win, bae olketa tingse olketa nao win long paoa blong olketa seleva nomoa. An bae olketa no save tinghae long mi. Yu mas tok olsem long evriwan, ‘!Olketa! !Sapos samfala long yufala i fraet tumas, olketa ya save gobaek long ples blong olketa!’” So taem Gidion hemi tok olsem long evriwan, 22,000 man nao i gobaek long ples blong olketa, 10,000 nomoa i stap wetem hem.

Yawe hemi tok olsem moa long Gidion, “Olketa man ya i staka tumas yet ya. Yu mas tekem olketa evriwan fo godaon long wata, an long ples ya nao bae mi divaedem olketa. Sapos mi tok olsem long yu, ‘Man ya hemi no fitim,’ bae hemi no save go. Bat sapos mi tok olsem, ‘Man ya hemi fitim’, bae hemi go fo faet.”

So Gidion hemi tekem olketa evriwan godaon long wata fo dring. An Yawe hemi tok olsem long hem, “Yu divaedem olketa hu i dring long han blong olketa from olketa narafala grup hu i nildaon, an putum hed blong olketa go long wata fo dring.” Long datfala taem, 300 man nomoa i dring long han blong olketa. An olketa narafala man nao olketa nildaon an putum hed blong olketa go long wata fo dring.