Popular Bible Verses from 2 Korin 12

Share

Bat Masta hemi sei, “Kaenfala lav blong mi nomoa, hem nao samting yu mas garem. Bikos paoa blong mi hemi save soaot strong taem yu stap wik nomoa.” So mi hapi tumas fo tokpraod long olketa samting wea hemi somaot dat mi wikfala man, mekem paoa blong Kraes hemi stap wetem mi.

So long disfala waka blong Kraes, nomata mi stap wik an pipol toknogud long mi an olketa hadtaem kasem mi an olketa pipol mekem mi safa, mi save hapi nomoa long diswan. Bikos taem mi wik tumas, long taem ya nao mi barava garem paoa.

Nomata mi tokpraod moa abaotem olketa drim, mi no krangge man ya, bikos bae mi save talem olketa tru samting nomoa. Bat bae mi no duim, bikos mi no laekem eniwan fo tinghae tumas long mi. Hemi fitim fo yufala tingabaotem mi nomoa, falom wanem mi bin talemaot an wanem mi bin duim. Nao wanfala samting hemi kasem mi wea hemi olsem wanfala nogud nila long bodi blong mi. Diswan hemi mekem mi no kamap praod tumas from olketa bikfala samting wea hemi staphaed dat God hemi somaot long mi. An diswan hemi olsem wanfala enjel blong Seitan hemi mekem mi safa.