Popular Bible Verses from Revelesin 22

Share

Mi nao mi faswan bifoa evrisamting an bae mi laswan tu bihaen evrisamting ya. Ya, mi nao faswan an laswan. Mi statem evrisamting an bae mi finisim evrisamting tu.”

Nao Jisas hemi tok olsem, “Yu lisin gudfala, no longtaem nomoa, bae mi kambaek moa. An bae mi tekem kam olketa pei blong olketa pipol fo givim long olketa, falom wanem evriwan hemi bin duim.

An Holi Spirit wetem niufala waef blong Kraes, tufala tok olsem, “Yufala kam.” An evriwan wea olketa herem toktok ya, olketa mas tok olsem tu, “Yufala kam.” Yufala wea yufala dae fo wata, yufala kam. Ya, yufala wea yufala laekem tumas fo dring, yufala save kam tekem fri disfala wata blong laef.

Olketa pipol hu i wasim kaleko blong olketa, olketa save hapi tumas. Bikos olketa nao i fit fo kaikaim frut blong tri blong laef, an olketa fit tu fo go insaet long olketa geit blong biktaon ya.

Nao Jisas hemi sei, “Yu lisin gudfala, no longtaem nomoa, bae mi kambaek moa. An olketa pipol hu i obeim olketa toktok wea God hemi talem insaet long disfala skrol ya, olketa nao save hapi.”

Long ples ya, bae no eni naet long hem, an bae olketa no nidim laet blong lam o laet blong san, bikos God Masta nao bae hemi laet blong olketa. An bae olketa rul olsem king evritaem an olowe.

Man hu hemi talemaot olketa samting ya hemi sei, “Ya, hemi tru ya. No longtaem nomoa bae mi kambaek moa.” Amen. !Jisas Masta blong mifala, plis yu kam! Letem kaenfala lav blong Jisas Masta blong yumi, hemi stap wetem yufala pipol blong God. Amen.

Mi Jon mi tokstrong fo wonem olketa pipol hu bae olketa herem olketa toktok wea God hemi talem insaet long disfala skrol ya. Sapos eniwan hemi adem samfala toktok moa insaet long skrol ya, olketa panis wea skrol ya hemi talemaot, bae God hemi mekem olketa kasem disfala man tu. An sapos eniwan hemi tekemaot samfala toktok from profesi blong disfala skrol ya, bae God hemi tekemaot from hem olketa gudfala samting wea disfala skrol ya hemi talem. Man ya bae hemi no save stap long bikfala Holi Taon ya, an hemi no save tekem eni frut blong tri blong laef.