Popular Bible Verses from Filipae 2

Share

Yufala mas no tingim yufala seleva nomoa an no trae fo haemapem yufala seleva. Bat yufala mas hambol an tingim olketa nara pipol olsem olketa nao gudfala winim yufala. An yufala mas no tingting long wanem hemi gud fo yufala seleva nomoa, bat yufala mas tingting long wanem nao hemi gud fo nara pipol.

Tingting an wei blong yufala hemi mas wankaen olsem tingting an wei blong Kraes.

Kraes hemi barava God, bat hemi no holetaet long disfala wei wea hemi wankaen wetem God. So Kraes hemi lusim go evrisamting blong disfala biknem blong hem, an hemi kamap olsem wakaman nomoa. Hemi bon kam olsem man, an hemi barava olsem wanfala man blong wol nomoa. Hemi hambol tumas an hemi obeim God olowe, go-go hemi dae taem olketa nilam hem long wanfala kros.

Yufala save, God nao hemi gohed fo waka insaet long yufala, mekem yufala save siusim an duim wanem hemi falom plan blong hem.

From diswan nao, God hemi liftimapem hem fo stap long nambawan ples long heven, an God hemi givim hem wanfala biknem wea hemi bikfala winim evriwan. Dastawe nao evriwan long heven wetem evriwan long disfala wol an evriwan moa long ples blong olketa man dae, bae evriwan ya nildaon fo mekhae long Jisas. An bae evriwan talemaot dat Jisas Kraes nao hemi Masta long evrisamting. An long diswan bae evriwan liftimapem nem blong God Dadi blong yumi.

Taem yufala gohed fo duim olketa samting, yufala mas no komplen o raoa abaotem. Long diskaen wei nao bae yufala save klin long ae blong God an yufala no save garem enisamting rong long yufala. Long wei ya tu bae yufala i olketa pikinini blong God wea olketa gudfala tumas, nomata yufala stap wetem olketa pipol wea wei blong olketa hemi nating stret an olketa duim olketa ravis samting. Ya, bae yufala saen go gudfala long olketa, olsem olketa sta i saen long skae

Olketa fren blong mi, yufala bin obeim mi olowe taem mi stap wetem yufala. So yufala mas gohed fo duim diswan tu nomata mi no stap wetem yufala. God hemi sevem yufala, so yufala mas tinghevi an tinghae long hem an gohed nomoa fo wakahad fo kasem wanem hemi makem fo yufala.