Popular Bible Verses from 1 Tesalonaeka 4

Share

Bihaen, yumi wea yumi laef yet long datfala taem, bae God hemi tekem yumi goap long olketa klaod wetem olketa pipol ya. An bae yumi mitim Masta blong yumi long skae, an yumi save stap wetem hem olowe nao.

Bikos taem Masta blong yumi hemi kamdaon from heven, an sif blong olketa enjel hemi singaot, an yumi herem saon long trampet blong God, bae olketa hu i biliv long Kraes an i dae finis, olketa nao bae i laefbaek fastaem.

God hemi laekem laef blong yufala fo hemi holi an yufala mas no durong wetem eniwan. Yufala evriwan mas lukaftarem waef blong yufala long wei wea hemi gud an stret falom wei blong God.

Bat yumi biliv dat Jisas hemi dae, an hemi laefbaek moa. Dastawe nao yumi biliv dat God bae hemi duim olsem tu long olketa hu i biliv finis bifoa olketa dae. Bae God hemi tekem olketa tugeta wetem Jisas fo go kasem hem seleva.

Yufala mas traehad fo stap stret, an gohed nomoa long waka blong yufala seleva an no spoelem waka blong nara man. Yufala mas wakahad fo garem olketa samting yufala nidim, olsem mifala bin talem yufala bifoa.

God hemi no kolem yumi fo falom olketa ravis wei olsem, bat hemi laekem laef blong yumi fo hemi holi.