Popular Bible Verses from Isaías 62

Share

— Heityk pyrer, ni'i wi pixik kwaw teko newe wà nehe. — Imumaw pyrer, ni'i pixik kwaw neywy rehe wà nehe. — Heremiamutar katu, i'i putar Tupàn newe nehe. — Heremireko, i'i putar neywy rehe nehe, ta'e nekatu Tupàn Tuweharupi Wiko Ma'e pe ne xe. Neywy wiko putar hemireko romo nehe.

Zeruzarez ipàrirogaw apyr Tupàn Tuweharupi Wiko Ma'e umupu'àm kar ume'egatu ma'e a'e wà. Ni 'aromo ni pyhaw nupytu'u kwaw uhapukaz re wà. Pe ume'egatu ma'e pe wà, pemuma'enukwaw kar Tupàn wemimume'u kwer rehe. Pepytu'u zo imuma'enukwaw kar ire nehe. Pemupytu'u kar zo Tupàn nehe. Xo Zeruzarez iapo wi re zo pepuner pepytu'u haw rehe nehe. Iapo katu wi re teko ywy nànànar uze'egatu putar hehe wà nehe. — Tawhu ipuràg eteahy ma'e a'e, i'i putar izupe wà nehe.

Ereiko putar tuwihawete àkàg rehe har ipuràg eteahy ma'e ài nehe. Ereiko putar Tupàn ima'e romo tuweharupi nehe.

Awa wereko kuzà wemireko romo a'e. Nezewegatete neapo arer nerereko putar wemireko romo a'e nehe no. Kuzà umurywete kar umen ràm a'e. Nezewegatete eremurywete kar putar nezar nehe no.