Popular Bible Verses from Isaías 46

Share

Izypy mehe arer we amume'u uzeapo ma'e ràm ihe. Kwehe mehe amume'u ma'e uzeapo ma'e ràm. — Uzeapo putar ma'e heze'eg rupi katete nehe, a'e purupe. Aze hepurapo wer ma'e rehe nehe, azapo putar a'e ma'e nehe, a'e purupe kwehe mehe. Aenoz amo awa tekoko ihe. — Ezur kwarahy hemaw wi nehe, a'e tekoko izupe. Ur iko na'arewahy ywy muite har wi wiràhu ài. Uzapo putar ma'e heremiapo kar nehe. Azapo putar ma'e heze'eg awer rupi katete nehe. Azapo putar heremimume'u kwer nehe.

Petua'uhez mehe aiko tuwe nezewegatete nehe. Naiko kwaw amo ae romo nehe. Azekaiw putar penehe pe'aw xig mehe nehe. Apuapo ihe. Apueraha no. Apupytywà putar nehe. Apupyro putar nehe no.

Pema'enukwaw ma'e kwehe mehe uzeapo ma'e kwer rehe nehe. Xo ihe zutyka'i aiko Tupàn romo ihe. Pekwaw hereko haw. Naheta kwaw amo hezàwenugar.

Pezeapyaka katu nehe, teko Izaew wà. Pezeapyaka katu nehe, Zako izuapyapyr umàno 'ym ma'e wà. Pezexak kar awer 'ar henataromo apueraha ihe. Tuweharupi azekaiw penehe.