Popular Bible Verses from Isaías 38

Share

— Eze'eg nezewe izupe nehe, i'i izupe. — Ihe Tupàn Tuweharupi Wiko Ma'e neràmuz Tawi izar ihe, ainu ihewe neze'eg mehe ihe kury. Aexak nerehay kwer no. Amumaw kar putar amo 15 kwarahy newe nemuigo kar pà ihe nehe.

— O Tupàn Tuweharupi Wiko Ma'e, nema'enukwaw hereko awer rehe nehe. Apureruze'egatu neze'eg heruzar pà ihe. Tuweharupi aruzar katu tuwe neze'eg ihe. Tuweharupi azapo neremiapo putar haw no, i'i izupe. Na'e uzai'oahy kury.

Erepuraraw kar ma'erahy ihewe hemukatu pà ne. Akwaw neremiapo kwer. Nezewe rehe we hepyro pe hemàno haw wi, ta'e eremunàn heremiapo kwer ikatu 'ym ma'e paw ihewi ne xe.

A'e kwarahy imumaw mehe tuwihawete Ezeki ima'eahy. Umàno tària'i. Tupàn ze'eg imume'u har Izai Amoz ta'yr oho hexak pà. Uze'eg izupe, — Tupàn Tuweharupi Wiko Ma'e uze'eg nezewe newe. — Emuàgà'ym nema'e nehe, ta'e nanekatu kwaw nehe xe. Ezemuàgà'ym nemàno àwàm rehe nehe, i'i iko newe, i'i Izai izupe.