Popular Bible Verses from Isaías 35

Share

Tupàn Tuweharupi Wiko Ma'e hemipyro kwer uzewyr putar weko haw pe wà nehe. Uzewyr putar Zeruzarez pe uzegar pà wà nehe. Wiko putar a'e pe tuweharupi urywete romo wà nehe. Turywete haw nehe, zemumikahy 'ymaw nehe, wainuinuromo wanuz tuweharupi wà nehe. Naheta kwaw zemumikahy haw a'e pe nehe. Teko nuzai'o kwaw a'e pe wà nehe.

Pemukàg pepo ikene'o ma'e nehe. Pemukàg pepenàràg ikàg 'ym ma'e nehe no. Peze'eg nezewe uzemumikahy ma'e wanupe nehe. — Pekyze zo nehe. Penurywete nehe, ta'e Tupàn Zanezar wiko xe a'e xe. Ur zanepyro pà a'e. Ur zaneàmàtyry'ymar wanehe uzepyk pà no, peze wanupe nehe.

Heta putar pe a'e pe nehe. — Ikatuahy haw, i'i putar teko a'e pe henoz pà wà nehe. Ikatu 'ym ma'e nuwata kwaw a'e pe rupi wà nehe. Tupàn hemiaihu wiko a'e pe izar romo wà. Te ma'e ikwaw katu 'ymar upuner putar hupi wata haw rehe uzeàmim 'ym pà wà nehe.

Na'e hehàpyhà 'ym ma'e wexak putar wà nehe. Iapyha 'ym ma'e wenu putar a'e wà nehe no.

Wata 'ym ma'e opoopor putar wà nehe. Upynyk putar wà nehe no. Uze'eg 'ym ma'e uzegar putar urywete haw rupi wà nehe. Ytyzuzàmaw upupur putar ywyxiguhu rehe wà nehe. Yrykawhu uwyryk putar ywy uxinig ma'e kwer rupi wà nehe no.