Popular Bible Verses from Isaías 26

Share

Ne Tupàn Tuweharupi Wiko Ma'e ne, eremur zeàmàtyry'ym 'ymaw urewe. Aze amo teko uzeruzar nerehe nehe, aze a'e re nanereityk kwaw nehe, eremuigo kar putar a'e teko zeàmàtyry'ym 'ymaw rehe nehe. Uhyk putar ima'e izupe nehe. Uhyk putar hemi'u izupe nehe no.

Ezeruzar Tupàn Tuweharupi Wiko Ma'e rehe tuweharupi nehe ta'e wiko putar zanemimaw romo tuweharupi a'e nehe xe.

Aputar herehe we nereko haw pyhaw azeharomoete ihe. Azeagaw tuwe neremiapo putar haw ikwaw pà azeharomoete. Eremume'u putar teko ywy rehe har wanemiapo kwer nehe. A'e 'ar mehe uzemu'e putar nekatu haw rehe wà nehe. Ukwaw putar wà nehe.

O Tupàn Tuweharupi Wiko Ma'e, eremuhyk ma'e teko wanupe. Ureremiapo kwer paw erezapo kar urewe ne.

O Tupàn Tuweharupi Wiko Ma'e, neze'eg nuzawy kwaw urerape urewe. Uruata hupi. Nerehe uruzeruzar. Urepurukwaw wer nerehe. Urepurukwaw wer tuwe nerehe ure. Urema'enukwaw wer nerehe.

Aze teko uzapo ikatu ma'e wà, waneko haw nuzawy kwaw pe ikatu ma'e rupi waho haw. Ne Tupàn Ikatuahy Ma'e ne, eremuhygatu wanape ràm wanupe ne.

Tupàn umuigo kar wiko wera'u ma'e hemetarer 'ym ma'e romo wà. Upyro tawhu waneko haw ikàgaw izuwi no. Weityk tawhu. Umumaw waneko haw ikaika pà no.

Pewàpytymawok tawhu hukenaw nehe. Tuwe Tupàn rehe uzeruzar tuwe ma'e wixe wà nehe. Tuwe teko ikatu ma'e iapo har wixe wà nehe.