Popular Bible Verses from Isaías 17

Share

Tupàn umume'u putar Xir ywy rehe uzepyk àwàm xe a'e nehe kury. — Upaw putar Namaz tawhu nehe. Naheta kwaw tawhu a'e pe nehe. Tàpuz ikaika pyrer heityityk pyrer upyta putar a'e pe ywytyr romo nehe.

Zauxiapekwer weityk putar tawhu ikàg ma'e Izaew ywy rehe har a'e wà nehe. Xir upytu'u putar tuwihawete hemiruze'eg ikàg ma'e romo wiko re wà nehe. Xir ywy rehe har umàno 'ym ma'e ràm wiko putar teko Izaew wazàwe wà nehe. Hemetarer 'ym ma'e romo wiko pà wà nehe, uma'uhez pà wà nehe no. Ihe Tupàn Tuweharupi Wiko Ma'e Ikàg Ma'e amume'u ko ze'eg kwez ihe kury.

Uhem a'e 'ar iko a'e. A'e 'ar mehe Izaew weityk putar ukàgaw wà nehe. Wanemetarer paw upaw putar nehe.

Teko wezar putar tawhu Xir ywy rehe har wà nehe. Nuzewyr pixik kwaw a'e pe wà nehe. Xo àràpuhàràn imono'og pyrer oho putar a'e pe upytu'u pà wà nehe. Ni amo teko numuhem kar kwaw a'e wi wà nehe.