Popular Bible Verses from Romanos 9

Share

Tenal Pab wilejakwa tule-takedbal yer tule-tako, tenal tule-itolegedbal chul tegin tule-e-immal-imakedbal chulbal.

Imi Pab Moisésga chogzhado: Imi an wilejakwa tule-takpiel, an wilejakwa tule-takodo. Tenal an wilejakwa tule-takpijulil, an wilejakwa tule-kwen-takojul. Tegin an tule-pentabiel, an tule-pentakodo. Tenal an tule-pentabijulil, an tule-kwen-pentakojul. Ex. 33:19

Tenal pe Pabzhul-choggu, ¿tede pe igi Pab Tummadgin chogo: “Pedin noal immal imas?” Chulá. Keg kue. Imi Pab-kartagin chogdo: ¿Mete tule-e-chobzhadga chogo pe ebinzhe: “Ibiga pe weob an-chobzha?” Chulá. Keg kue. Is. 29:16; 45:9

Al Pab Tummad e-itolegedbal wilejakwa toa-tule-takpídin, wilejakwa tule-takodo. Tenal Pab Tummad e-itolegedbal egin-melle-ibzhegal toa-tule-imabídin, egin-ibzhejulgal tule-imabalodo.

¿Imi tule-napchagin-arpaged igal-nikajulzhí napcha-choggwénnagwadgin e-itoleged akal-akal mete chobgal, kwéntin immal-nuedga ebugal, kwéntin immal-polega ebugal? Teobdo.