Popular Bible Verses from Romanos 4

Share

Imi Abraham abal-abal Pabgin kwen pengunonijul, tenal Abraham pul-pule Pabgin ibzhenoni. Al Abraham Pab-otummodi-kus. Imi teun Abraham kwen penguszhul, Pab Tummad kannaleged nika e-kaka-ukchad-pallí immal-imagal.

Tenal Pab-kartagin ampa Abrahamgin nermakal maimodo: Imi Pab Tummad chog: “Imi antin, tule-iti-napkin-pukmalad-akal-akal-chunmamaladga, e-tad-saglaga pe-imako.” Gn. 17:5 Al Pab-Tummad-wagin Abraham anmal-tad-saglaga mai. Imi Pab Tummad tule-purkwaled-otuloged. Tegin Pab Tummad ampayo-immal-kueddu immal-kujadyob chunmaked-tulemo. Imi Abraham Pab Tummadgin weob penzhul-kunoni.

Tenal anmal-Tummad-Jesús anmal-iskuedbal tulemalga purkwegal ukles. Tegin Jesús purkwaled-akar kannan tullesbal, tule-iskued-nikchulidga anmal-imagal.

Tenal Abraham Pab-ega-chogzhadgin pengued-wiluban. Tenal Abraham Pab-Tummad-chogzhadgin yabli kwen penguszhul-kus, ede machi-nikunoniko. Al Abraham tule-akal-akal-e-tad-saglaga kunoni, Pab Tummad Abrahamga chogzhad-kujad-yopí: Pe-wagwagan íchejul ampagunonimalo. Gn. 15:5

Al pe Pab-Tummad-Abrahamga-kaka-ukchad abingebiel, pe Pabgin-penzhul-kuenabmo, tegin Pab-kaka-ukchad kep pegadga kunonimogo. Imi Pab peigujii iskued-nikchulidyob-anmal-imaked-wilubzhulinadbal Pab iskued-nikchulidyob anmal-imagal, Pab Abrahamga kaka-ukchadyob. Al Pab pel-kwapa Abraham-e-wagwaganga, keg-chulgu kaka-ukegalmo, tule-Moisés-igal-mamikidgin-nanemaladgabijul, tenal tule-pel-kwapa Abrahamyob Pabgin-penzhulmaladgamo. Al Abraham pel-kwapa tule-Pabgin-penzhulmalad-e-tad-saglaga maido.

Al David Pab-kartagin chogzhabaldo: Imi tule Pabgin-walmajadbal, Pab we tulega e-immal-akalosmalad pelgus chogzhal, tegin Pab ka iskued elinonibalil, ib-nued we tulega kus. Imi Pab Tummad tuleje iskued pal ekisojulidbal, ib-nued we tulega kusbal. Sal. 32:1-2

Imi Pab-kartagin ampa chogmodo: Imi Abraham aga ulubgin Pab-Tummad-penzhul-kunonikidbal, Pab Tummad tule-iskued-nikchulidyob Abraham-taknoni. Gn. 15:6