Popular Bible Verses from Tito 1

Share

Tan k'uxh ni tal unq'a uxhchile' uva': «Ootzimal ve't u Tiixhe' sqa'n,» taq'e' ni tale', as tuk' vitxumb'ale' nik'uchkat uva' ye'l u Tiixhe' ninima, tan a' chite' ye'l tokeb'al k'atz u Tiixhe' ta'n vipaasan tziile'. As ye'l umaj b'a'n la itx'ol ib'anata'.

Tan asoj jik ve't vitxumb'al umaj uxhchil, as jik chit unq'a vee' skajayil svatz. Pet ech koj unq'a uxhchile' uva' yannajlu vitxumb'ale', tan va'lexh unq'a vee' ste skajayil.

As a' kuxh isuuchil u jikla yole' la ichus naj, eche' uva' kat chuspu te naj b'axa. As ye' la inima naj uma'toj chusb'al uva' jit tetz u Tiixhe'. As ech la oleb'kat naje' ti' ik'ujb'a't ik'u'l unq'a qitz'in qatzike' ta'n unq'a b'a'nla chusb'ale' uve' la ichus naj. As la oleb' naj ti' teesal iq'ii unq'a ichusb'al unq'a uxhchile' uve' ye' ni niman u Tiixhe'.

Tan a' u taq'on u Tiixhe' la til unq'a naje' uva' la ak'ujb'a' kan. Esti'e' uva' techal chit uva' b'a'n itxumb'al la ib'ane', as ye' la toksa tib' naj snimil, as ye' la tx'i'tzi'l tu naj, as ye' la ul ivi' naj, as jit q'ab'a'mil naj, as jit chukul ch'a'o naj la ib'ane', as jit kuxh u puaje' la titz'a naj, as ye' la isub' naj vimoole' ti' itx'akat ipuaj. Pet atoj ok taama naj ti' u b'a'ne'. As la taq' naj ivatb'al unq'a qitz'in qatzike'. As b'a'n itxumb'al naj la ib'ane', tan la pal naj stuul kam uva' la ib'an naj. As la til je' tib' naj.

As a' unq'a naje' la ak'ujb'a' uva' ye'l umaj va'lexhla yol ni talpu sti'. As ye'l uma'toj ixoj la ichuk naj ti' u tixqele'. As ye'l umaj va'lexhla txumb'al ni tab'il ti' unq'a me'al ik'aol naje'. As niman tetz Tiixh unq'a me'al ik'aole'. As jit paasan tzii la ib'ane'.