Popular Bible Verses from Apocalipsis 8

Share

As tul kat teesa ve't u Kaneero'e' ivujpu u sello ti' u u'uje', as kamal pok'o'chil oora uva' ye'xheb'il nik itiin ve'te' tu almika'.

As toq'sa ve't u b'axa ángel u trompeta. As ul ve't sajb'atz vatz u tx'ava'e', tuk' xamal uva' yuel tib' tuk' kaj. As tz'e' ve't ch'oola pok'o'chil u vatz tx'ava'e', tuk' ch'oola pok'o'chil unq'a tx'akab'e'ne', as tuk' unq'a chikoe' skajayil.

As tul uva' nik unsaji, as kat vil ipal uma'l u xich' uva' nik ipal vatz almika'. As saq'chib'al chit toq' txoo. As ech tal ve't txoo ile': —¡Txumleb'al chit ivatz! ¡Txumleb'al chit ivatz! ¡Txumleb'al chit ivatz unq'a tename' uve' at kan vatz u tx'ava'e' tuk ib'ane', tul la oq'sal ve't oxva't unq'a trompeta! Tan b'iit kuxh toq'sal ve't unq'a trompeta ta'n oxva't unq'a ángel.

As toq'sa ve't vika'v u ángel u trompeta. As b'uuq' ve't uma'l u mam xamal uva' ech ich'iie' eche' umaj vitz. As ku' ve't u xamale' tu u mar. As ch'oola pok'o'chil u mar kat b'en ve't skajil.

As toq'sa ve't u toxvu ángel u trompeta. As chajpik ve't ku' tzan uma'l u nimla tx'umil tu almika' uva' xo'veb'al chit toype' eche' umaj xamal. As ech toon vi' u ch'oola pok'o'chil unq'a nimla a'e' uva' nixaane' tuk' tu u vee' ni telkat ch'u'l unq'a a'e'. As Ajenjo ib'ii u tx'umile', tan k'ayb'u ve't ch'oola pok'o'chil unq'a a'e' sta'n. As nimal chit unq'a uxhchile' kat kam ve't ta'n vik'ayal u a'e'.

As toq'sa ve't ikajvu u ángel u trompeta. As yansal ve't ch'oola pok'o'chil u q'iie', tuk' ch'oola pok'o'chil u ich'e', tuk' ch'oola pok'o'chil unq'a tx'umile'. As tokin ve'te'. As ye' na'l ve't u saje' tu u ch'oola chaq'aal q'iiul. As echat ib'an ve't tu u aq'b'ale' unpajte.