Popular Bible Verses from Apocalipsis 22

Share

As ine' vixe'teb'ale'; as ine' vimoxteb'ale'; as ine' xe'tisan tetz; as ine' tzojpisan tetz,— ti'k Aak.

Tan ech ni tal ve't u Jesús ile': —¡Il in vul ve'te'! As eq'omal ve't vetx'aja'me' sva'n ti' vaq'at sete sejununilaj ti' u b'a'ne' uva' kat eb'ana.

As ech ni tal u Tiixhla Espíritu ile', tuk' u tixqel u Kaneero'e': «¡Si'unaj!» taq'e' ni tale'. As ab'il uva' ni ab'in as: «¡Si'unaj!» chaj unpajte. As ab'iste ex uva' nitzaj etzi', as uloj etuk'a u a'e' uva' ni aq'on etiichajil, tan oy kuxh taq'ax sete.

Ech tal ve't u ángel ile' sve: —As achveb'al chit unq'a uxhchile' uve' ni tx'aaon unq'a toksa'me', tan at ve't tokeb'al k'atz u tze'e' uva' ni aq'on itiichajil k'atz u Tiixhe'. As at ve't tokeb'al ti' tok tu kab'laval unq'a itzi' u tapiaale' uva' ato'k ti' u tename'.

As ech ni tal u Jesús ile': —¡Tan il in vul ve'te'! ¡As achveb'al chit unq'a uxhchile' uve' ni niman ve't unq'a yole' uve' tz'ib'amal kan tu u u'uje'!— ti'k Aak.

As ye'l ve't aq'b'al la ib'ane'. As ye' la txakon ve't u q'iie'. As mita'n umaj txijub'al la txakoni, tan a' ve't u Kub'aal Tiixhe' la txijun ve't u tename'. As at ve't tijle'm vitenam u Tiixhe' la ib'ane' ti' chit ib'ene'.

As u Jesucristo uva' ni alon isuuchil unq'a yole', as ech ni tal Aak ile': —¡An chite', il in vul ve'te'!— ti'k Aak. As ech qaltaj ve't ile', jank'al o' uva' o' niman tetz Aak: An chite'. Ech la ib'ane'. ¡Ulen ve'te', Kub'aal Jesús! As a' vib'a'nil u Jesucristo la kaa ve't seti'aj sekajayil. An chite'.

As tuk val sete, jank'al ex uva' ni ab'in unq'a yole' uva' tz'ib'amal tu u u'uje', tan ab'il uva' la oksan itz'a'j u yole', as a' u Tiixhe' la aq'on tzan unq'a k'axk'oe' sti' uve' tz'ib'amal tu u u'uje'. As ab'il uva' la eesan umaj viyol u Tiixhe' uva' tz'ib'amal tu u u'uje', as ye' la til ve't u uxhchile' unq'a b'a'nile' uva' tz'ib'amal tu u u'uje'. As ye'l ve't tetz k'atz u tze'e' uva' la aq'on itiichajil k'atz u Tiixhe' la ib'ane'. As ye'l ve't tokeb'al u uxhchile' ti' tok tu u tename' uva' atkat vitenam u Tiixhe'.