Popular Bible Verses from Apocalipsis 19

Share

¡As chiib'ojtaj o'! ¡As okoj u chiib'ichile' tu u qaanxelale'! ¡As qoksataj iq'ii Aak! Tan kat ilejlu ve't u q'iie' ti' teq'ot tib' u Kaneero' tuk' u tixqele'. As kat ib'anlu ve't u ixoje' tuche' ti' teq'ot tib' tuk' vitzumele'.

As tz'ib'amal ve't ib'ii u naje' ti' u toksa'me' uve' txala ikux. As ech vib'ii ile': Ine' in Ijlenaal ti' unq'a ijlenaale' skajayil. As ine' in B'ooq'ol ti' unq'a b'ooq'ole' skajayil.

As vila uva' jajlik ve't u almika'e'. As chee ve't uma'l u saji' kaay uva' atik je' uma'l u naj sti' uva' jikla k'ujleb'al k'u'l chit vib'iie', tan tu chit ijikil nib'an isuuchil unq'a tename' skajayil. As tu chit ijikil nib'an u ch'a'oe' unpajte.

As ech chit tilon u b'aq' ivatze' eche' taq' xamal. As nimal chit unq'a koroona atik je' ti' ivi'. As tz'ib'amalik uma'l u b'ii sti' uva' ye'xheb'il ootzin tetz. Pet Aak kuxh ootzin tetz. As atik ok uma'l u toksa'm sta'n uva' matik ijilpik ku' xe' u kaje'. As vib'ii u uxhchile', as a'e' «k'uchul tetz u tijle'm u Tiixhe'.»

As u naje' uva' atik je' ti' u saji' kaaye', as el ch'u'l uma'l u jutz' vi' ch'ich' titzi' uva' xi'le'l chit tee, tan tuk' u ch'ich'e' nik'axb'isakat ve't unq'a tename' skajayil. As la k'axb'isal unq'a tename' skajayil ta'n u naje' tuk' uma'l u b'aara uva' ch'ich' chittu'. As eche' ni tulb'el u uuvae' tul uva' nipoch'il u ta'le', as echat la tulb'e unq'a tename' skajayil ti' ik'axb'isale' tuk' vitx'i'tzi'l u Tiixhe' uva' nim talche' ti' unq'a vee' skajayil.

As txeypu ve't u txooe' uva' je' ch'u'l xe' u mar tuk' u chulin yolla txooe' uva' je' ch'u'l tu tx'ava', uva' ma'tik ik'uchat ve't txoo uva' xo'veb'al chit unq'a k'uchb'al tetz u tijle'm u txooe' uva' ib'ana. As ma'tik imaxtib'et txoo unq'a uxhchile' uva' atik ve't ok u texhlal uma't u txooe' sti'. As ma'tik iqaaeb' unq'a uxhchile' vatz vivatzib'al u txooe'. As sutil ve't b'en txoo skaab'il tu u vee' eche' naab' uva' ni toypukat u nimla xamale' tuk' azufre.