Popular Bible Verses from Apocalipsis 10

Share

Tan tul la toq'sa ve't ivujpu u ángel u trompeta, as a' la tzojpukat ve't unq'a vee' skajayil uva' alel kan ta'n u Kub'aal Tiixhe'. As a'e' unq'a yole' uva' ye' nik ipal unq'a tename' stuul uva' alelik kan ta'n Aak te unq'a niman tetze' uve' nik q'ajsan viyol Aake',— ti'k u ángel tala.

As ech kat alpu ve't ile' sve: —Techal la aal ve't isuuchil unq'a yole' unpajte uva' alel kan ta'n u Tiixhe', tan la aal ve't u yole' te unq'a ijlenaale' tuk' te unq'a mama'la uxhchile' tulaj unq'a tename' skajayil, k'uxh kam kuxh yolb'alil niyolb'e,— ti'k u yole' sve.

As kat vil iku' ch'u'l uma't u ángel tu almika' xo'l suutz' uva' xo'veb'al chit iyak'il. As atik je' uma'l u txakmanch'el stiib'a. As ech tilon vivatze' eche' u q'iie'. As ech tilon u toje' eche' taq' xamal uva' nimal nije'kat.

As kat oon ve't in vatz u ángel. As kat unjaj ve't u tal u'uje' ste. As ech tal ve't u ángel ile' sve: —Ila'. As echb'u, tan va'l chit ichi'ale' tuk anach tatzi' eche' u ta'l kab'e'. As tul la oon tavuul, as tuk k'ayb'oj ve'te',— ti'k u ángel tal sve. As kat unk'ul ve't u tal u'uje' tiq'ab' u ángel. As kat vechb'u ve'te'. As va'l chit ichi'al kat unnach tuntzi' eche' u ta'l kab'e'. As tul kat oon tu vuul, as va'l chit ik'ayal ve'te' kat unnacha.