Popular Bible Verses from Filipenses 4

Share

As ye' kuxh exaansa etaama. As k'uxh kam kuxh la epaleb'e, as enachtaj Tiixh ti' ejajat b'a'nil te Aak. As la etaq' ta'ntiixh te Aak unpajte.

As a' u Tiixhe' la aq'on sete ti' uva' b'a'n etatine' sevatzaj, as at pal u b'a'nile' uve' nib'an Aak sete ti' vitxumb'al unq'a uxhchile'. As Aake' ni lochon vetaanxelale' tuk' vetxumb'ale', tan at ve't ok ex k'atz u Jesucristoe'.

Vitz'in vatzik, tuk untzojpisa ve't unq'a yole' uva' nuntz'ib'a b'en sete. As tuk val sete, etitz'ataj as enimataj unq'a txumb'ale' uva' jik chittu'. As eb'antaj u b'a'nla aamaile' vatz unq'a uxhchile'. As jank'al unq'a jikla txumb'ale' uva' ye'l paav nichee sti', tuk' unq'a txumb'ale' uva' b'a'n ni talpu sti', tuk' unq'a txumb'ale' uva' b'a'n te u Tiixhe', as tuk' unq'a txumb'ale' uva' acha'v vatz unq'a tename', as a'e' la etitz'a. As la enima.

As kajayil kuxh la untx'ole' tuk' vib'a'nil u Cristo uva' ni yak'insan u vaanxelale'.

Txuq'txunoj ex sevatzaj b'enameen, tan at ve't ok ex k'atz u Kub'aal Jesucristo. As la val unpajte: Txuq'txunoj ex sevatzaj.

As a' u Tiixhe' la aq'on sete kam uva' nisa'vit seti'. As ye' la iya'sa Aak ilochat ex, tan nimal unq'a b'a'nile' at xe' u Jesucristoe'.

As eb'antaj jank'al unq'a uva' kat unchus sete, as eb'antaj u b'a'ne' eche' uve' kat etil svi'. Asoj ech la eb'ane', as Aake' la atin sexo'l ti' taq'at Aak sete ti' uva' b'a'n etatin sevatzaj.

As ex b'a'nla aama la ib'an vatz unq'a tename' skajayil, tan txantu kuxh tul ve't u Kub'aal Jesús unpajte.

As k'uxh at vetz, as k'uxh ye'l vetz ati; as k'uxh la tx'a'n in sb'a'n, as k'uxh la unkuy unva'y; as chiannallu chit ve't sve kam nunb'ane'. As k'uxh nimal vetz ati, as moj ye'l vetz ati; as eela kuxh ni taq' sve, tan chiannallu chit sve ti' u vatine'.

As jit ti' uva' nisa'vit lochb'al svi' ni valkat u yole' sete. Pet k'uxh kam kuxh nunpaleb'e, as chiannallu chit ve'te' sve ti' u vatine'.