Popular Bible Verses from Marcos 12

Share

Ech tal ve't Aak ile': —U tzaq'ite' uve' nim talche', as ech ni tal ile': Ex kumool tiaal Israel, etab'itaj u yole' uva' tuk val sete, uma'l kuxh u Tiixhe'. As Aake' kuB'ooq'ol. As aya'loj chit ek'u'l la exo'ni u Tiixhe' tuk' chit etaanxelal, tuk' chit etxumb'al, as tuk' chit eyak'il, ti'k u tzaq'ite'. As a'e' u tzaq'ite' uva' nim talche' ti' unjoltu unq'a tzaq'ite'. As vika'v u tzaq'ite', as eela tuk' u b'axae', tan ech ni tal ile': Xo'noj vemoole' sete eche' uva' neb'an je' sete, ti'k u tzaq'ite'. As ye'l uma'toj tzaq'it uva' nim talche' ti' ka'va'l unq'a tzaq'ite',— ti'k u Jesús.

as imolo ve't Aak unq'a ichusulib'e'. Ech tal ve't Aak ile': —Jik chit tuk val sete, tan u txakay ixoje' uva' meeb'a' chittu', as nimal chite' u oye' uva' kat taq' ku' ti' unjoltu unq'a uxhchile', tan jank'al unq'a tx'ioliq'iie' uve' kat taq' ku' unq'a oye', as a' kuxh unq'a ya'le' ni taq' ku'. Pet ech koj u txakaye', tan k'uxh meeb'a' chit ixoj, as kat taq' ku' ixoj jank'al uve' nitxakon sti' jun q'ii,— ti'k u Jesús.

As tul xonlik ve't u Jesús txala u kaaxhae' uva' nimolpukat u puaje', as aalik ve't ok u Jesús te unq'a uxhchile' uve' nik aq'on ku' unq'a puaje' tu u kaaxhae'. As nimal unq'a tx'ioliq'iie' uva' atik tzitzi'. As nimal chit puaj nik taq' ku' chajnaj. As ul ve't uma'l u txakay ixoj uva' meeb'a' chittu' ti' ul taq'at ku' ka'va'l vas ipuaj uva' ye'xh jatva'l ija'mil. As tul til ve't u Jesús taq'at ku' u txakay ixoje' u puaje' tu u kaaxhae'

As aya'loj chit kuk'u'l la kuxo'ni u Tiixhe' tuk' chit kutxumb'al, tuk' chit qaanxelal, as tuk' chit kuyak'il. As la kuxo'ni u kumoole' eche' uva' nu kub'an je' sqe. As a'e' uva' nim talche' ti' itz'e'sal ok unq'a oye' as tuk' unq'a txooe' vatz u Tiixhe',— ti'k u naje'.

Ech tal ve't u Jesús ile': —As jank'al u tetz u ijlenaale' uve' tu u Roma, as etaq'taj ste. Pet jank'al u tetz u Tiixhe', as etaq'taj te Aak,— ti'k u Jesús. As teq'o ve't taama chajnaj ta'n u yole' uve' tal Aak.