Popular Bible Verses from Hebreos 8

Share

As la unsotzsa ve't ipaav unq'a uxhchile'. As ye'xh jatu la vulsa ve't vipaav unq'a uxhchile' sunk'u'l uva' kat ib'ana,» ti'k u Tiixhe'.

As tul ma't ipal ve't iyak'il u txumb'ale' uva' unk'ujb'a' kan te unq'a tiaal Israel b'axa, as a' u vi'la' uva' tuk unk'ujb'a' kan sti', tan ech ni val ile': «La voksa ve't vuntzaq'ite' tu vitxumb'ale'. As la voksa ve't vunyole' tu u taanxelale'. As in ve't iTiixh; as a'e' untenam la ib'ane'.

As jit tz'ajinal la ichus ve't unq'a uxhchile' vimoole'. As mita'n ech la tal ile' te u titz'in tatzike': Qootzitaj u Kub'aal Tiixhe' setuk', chaj koj la tale', tan kajayil chit unq'a tename' la ootzin ve't in, k'uxh at tijle'm as k'uxh ye'l tijle'm ati.

Pet kat til u Kub'aal Tiixhe' uva' ye' nik ib'an unq'a tename' u b'a'ne'. Esti'e' uva' ech kat tal ve't Aak ile' sti': As la ilej ve't uma'l u q'ii uva' la unk'ujb'a' ve't uma't u ak' tzaq'ite' seti', ex unq'a aa Israel tuk' ex unq'a aa Judá.

As a' isuuchil u yole' uva' ni val sete ti' itzaele' uva' at ve't ok chite' u Jesús q'esalil oksan iyol tenam vatz Tiixh. As xonle'l ve't Aak tiseb'al u Tiixhe' uva' nim talche' tu almika'.