Popular Bible Verses from Hechos 5

Share

As ech tal ve't u Lu' ile' tuk' unq'a imoole': —B'axel chite' uva' la kunima viyol u Tiixhe' ti' viyol unq'a naje'.

As jun q'ii nikat imol ve't tib' unq'a apóstol tu u tostiixhe' as tuk' tulaj ikab'al unq'a uxhchile'. As ye' nikat iya'sa ve't chajnaj ichusune' ti' talat u yole' ti' u Jesucristo.

As ech tal ve't u Lu' ile' te u Ananías: —¿Kam q'i uve' kat kuxh aaq' tokeb'al u Satanás tu u aanxelale' ti' achulit yol te u Tiixhla Espíritu? ¿As kam q'i uve' kat kuxh eesa kan unb'iil vija'mil u tx'ava'e'? ¿As jit kol eetz u tx'ava'e' q'a, tul uva' ye'xnik ak'ayi? ¿As kam q'i uve' kat kuxh ok u chuli yole' tu u aanxelal? Tan jit o'e' nachuli o' syol. Pet vatz u Tiixhe' nab'ankat,— ti'k u Lu'e'. As tul tab'i ve't u Ananías u yole', as pumel ib'en ve't naj tu tx'ava'. As yak kuxh kam ve'te'. As tul tab'i ve't unq'a tename', as xo'v ve'te'.

Esti'e' ni val sete, ye'xhkam kuxh eb'an ti' unq'a naje'. As etaq'taj kan chajnaj, tan asoj itxumb'al kuxh umaj naj nichus chajnaj tuk' uve' nib'an chajnaj, as tuk kuxh ya'oj chajnaje'. Pet asoj Tiixh ni alon te chajnaj, as ye' la oleb' ex ti' iya'sal te chajnaj. As ye'xhkam kuxh eb'an ti' unq'a naje', tan la ib'ane' uva' tuk' u Tiixhe' la eb'ankat ch'a'o,— ti'k u Gamaliel.