Popular Bible Verses from 2 Timoteo 1

Share

tan ye'l uva' nu koj taq' u Tiixhe' u Tiixhla Espíritu sqe ti' uva' la xo'v o' ti' qalat viyol Aake'. Pet kat taq' Aak sqe ti' uva' la qaq' yak'il sti' as ti' uva' la kuxo'ni ve't unq'a qitz'in qatzike'. As la oleb' ve't o' ti' kumajat qib' aq'al uva' ye' la kub'an u va'lexhe'.

uva' kat sotzsan u kupaave'. As kat itxaa ve't o' Aak ti' toksat ok o' Aak sitenamil. As jit ti' umaj b'a'nil uva' kat kub'ana uva' kat itxaakat o' Aak. Pet ti' uva' kam kat tal taama Aak sqi' as ti' vib'a'nil u Jesucristo uva' kat aq'ax sqe tul ye'xnik chee u vatz tx'ava'e'.

Esti'e' uva' nunb'eya ve't see uva' la ayak'insa aama ti' eelat isuuchil u eejle'me' uva' aq'el see ta'n u Tiixhe' tul uva' kat vaq' je' unq'ab' see' tul kat unnach Tiixh see'

As ye' la xo'v ve't axh ti' aalat u yole' ti' u Kub'aal Jesús. As ye' la ch'ixvu ve't axh svi' ti' uva' ato'k tzan in tu tze'. Pet aq' yak'il ti' akuyat unq'a k'axk'oe' uva' la apaleb'e ti' aalat u b'a'nla yole' eche' uva' nunpaleb'e. As u Tiixhe' la aq'on ayak'il

Esti'e' nunpaleb'e ve't unq'a k'axk'oe'. As ye'l in nunch'ixve' ti' unpaleb'et u k'axk'oe', tan ootzimal sva'n uva' k'ujle'l unk'u'l ti' u Tiixhe'. As techal la til Aak isuuchil unq'a vee' skajayil uva' kat unb'ana ti' unpaxsat u b'a'nla yole' tul uva' ye'xnaj ul u Jesucristo unpajte.