Popular Bible Verses from 2 Lu' 3

Share

As ye'l Aake' la b'alaxti ti' tul unpajte eche' uva' alel kan ta'n Aak, k'uxh at unq'a uxhchile' ni alon uva' kat b'alaxtiy ve't Aak ti' tule'. Pet nim chit taama Aak nib'an sqi' tuk' ti' unq'a tename', tan a' nisa' Aak uva' ye'l umaj uxhchil la tz'ejxik kan. Pet kajayil unq'a uxhchile' la ik'axa tib' vatz Aak.

Vitz'in vatzik uva' xo'n chit ex sve, as ye' la sotz sek'u'l uva' vatz u Kub'aal Tiixhe' as uma'l q'ii as eela kuxh stuk' uva' uma'l mil yaab' sukuvatz. As uma'l mil yaab' sukuvatz as uma'l kuxh q'ii vatz Aak.

Pet la eyak'insa etib' ti' vib'a'nil u Kub'aal Jesucristoe' uva' kat q'alpun o' as ti' etootzit vitxumb'al Aake' sb'a'n. ¡As qoksataj iq'ii Aak cheel as ti' chit ib'ene'! An chite'.

Pet la ilej ve't u q'iie' ti' u tuleb'al u Kub'aal Jesúse' unpajte. As ech tule' eche' umaj elq'om uva' ye' nachel sqe uva' la ul tu u aq'b'ale'. As ech ivulune' eche' umaj mam kajiq' uva' xo'veb'al chittu' la ib'ane' tul la sotz ve't u almika'e'. As la e'p ve't unq'a vee' uva' at vatz u almika'e' ta'n u xamale'. As la tz'e' ve't u tx'ava'e' tuk' unq'a vee' skajayil uva' at vatz u tx'ava'e'.

Esti'e' uva' jik chit kutxumb'al la kub'ane'. As aya'l chit kuk'u'l ti' kunachat Tiixh, tan ootzimal sqa'n uva' la sotz ve't unq'a vee' skajayil. As aya'l chit kuk'u'l la kutx'eb'e' ti' ilejat u q'iie' uva' k'ujlu kan ta'n u Tiixhe' tul uva' la tz'e' ve't u vatz almika'e' ti' isotze'. As la a'x ve't unq'a vee' skajayil uva' at vatz u almika'e', techal chit la sotzi ta'n u xamale'.