Popular Bible Verses from 1 Timoteo 5

Share

tan asoj ye' la tijo'xi unq'a qitz'in qatzike' vitxutxe' tuk' unq'a q'esla itxutxe' as tuk' unq'a tatine' skajayil, as a' nik'uchkate' uva' ye' nimamal u jikla yole' sta'n. As at ve't pal vipaave' ti' unq'a uxhchile' uva' ye' ni niman u Tiixhe'.

As ye' la ayaa umaj q'esla aama. Pet jik chit la ab'eya ste eche' ab'eyat te ab'aal. As echat la ab'an te unq'a chelem naje'. As ech ab'eyat ste eche' ab'eyat te umaj eetz'in aatzik.

As b'a'ne' uva' nim chit la oksalkat iq'ii unq'a uxhchile' uva' ato'k sq'esalil xo'l unq'a qitz'in qatzike'. As la aq'ax vija'mile' ste, asoj b'a'n u taq'one' nib'ane', eche' unq'a uxhchile' uva' ni paxsan viyol u Tiixhe' tuk' unq'a uxhchile' uva' ni chusune', tan a'e' uva' la ik'ul vija'mile'

As ye' la oojela eeb' ti' aaq'at je' aq'ab' ti' umaj qitz'in qatzik ti' ooksat sq'esalil, tan potzani'k axh k'atz ipaav umaj uxhchil. As la eel je' eeb', aq'al uva' ye'l umaj apaav la cheei.