Popular Bible Verses from 1 Tesalonicenses 2

Share

As kat qal isuuchil u yole' sete, tan ti' uva' kat til u Tiixhe' uva' b'a'n te Aak uva' la kupaxsa u b'a'nla yole'. As kat taq' Aak sqe uva' o' la paxsan u yole'. Pet jit ti' uva' ma b'a'n te unq'a uxhchile' moj ye'le. Pet ti' uva' b'a'n te u Tiixhe' tan Aake' ootzin tetz u qaanxelale'.

Esti'e' ye'l o' nu kukoole' ti' qaq'at ta'ntiixh te u Tiixhe' seti'. Tan tul uva' kat etab'i u yole' uva' kat qal sete, as kat enima uva' iyol Tiixh kat qal sete. As jit iyol umaj uxhchil kat etab'i. Pet jikla yol chit u yole' sevatz, tan a' viyol u Tiixhe' uva' kat qal sete uva' ni jalpun vetxumb'ale', jank'al ex uva' ex niman tetz u Jesús.