Popular Bible Verses from 1 Lu' 4

Share

As aya'loj chit ek'u'l la exo'ni etib' sevatzaj. Tan asoj nexo'ni etib' sevatzaj, as la ekuy tib' epaav sevatzaj.

As la eloch etib' sevatzaj tuk' vetijle'me' uva' aq'el sete ta'n u Tiixhe'. As jik chit etxumb'al la eb'an sevatzaj tuk' vetijle'me' uva' aq'el sete, tan jalel tib' vetijle'me' sejununilaj ta'n Aak.

As ab'iste ex uva' at etijle'm ti' etalat viyol Aake', as jik chit la etal isuuchil u yole'. As ex uva' at etijle'm ta'n Aak ti' elochat etib' tuk' unq'a qitz'in qatzike', k'uxh kam kuxh lochb'alil la eb'an ste. As eb'antaj tuk' u yak'ile' uva' aq'el sete ta'n Aak, aq'al uva' la oksal iq'ii u Tiixhe' ti' unq'a lochb'ale' uva' neb'ane' ta'n vib'a'nil u Jesucristo. As ye' la ya'sal toksal iq'ii Aak. As ye'l iya'teb'al u tijlenaalil Aake' ti' chit ib'ene'. An chite'.

Pet asoj ti' uva' nimamal u Cristo seta'n la epaleb'ekat unq'a k'axk'oe', as ye' la ch'ixvu ve't ex. Pet aal la etoksa iq'ii u Tiixhe' ti' ek'uchata' uva' ex ve't niman tetz u Cristo.

As b'iit kuxh itzojpisal unq'a vee' skajayil uva' alel kan ta'n u Tiixhe'. Esti'e' la val sete, atoj chit enachb'al. As etoksataj chit etaama ti' enachat Tiixh.

Ex vitz'in vatzik uva' xo'n ex sve, as ye' la sotz ek'u'l ti' epaleb'et unq'a k'axk'oe', tan ech chit la ib'ane' ti' eyak'insale' eche' tok umaj ch'ich' tu xamal ti' teesal u va'lexhe' sti'. Pet aal la chiib' ex tul la epaleb'e unq'a k'axk'oe' k'uxh a' u b'a'ne' neb'ane', as eela kuxh stuk' uva' ech epaleb'et u k'axk'oe' eche' uve' kat ipaleb'e u Cristoe'. As la chiib' ex tu u nimla chiib'ichile' tul uva' la oksal ve't iq'ii Aak.

As aya'loj chit ek'u'l la eloch etib' sevatzaj. As la etaq' ivatb'al unq'a qitz'in qatzike'.

Esti'e' la val sete, ex uva' ni paleb'en unq'a k'axk'oe' uva' a' u Tiixhe' ni sa'on. As ye' la ya' ex ti' eb'anat u b'a'ne'. As la etaq' ok vetiichajile' tiq'ab' Aak ti' ib'anat Aak kam uva' nisa' Aak seti' tan Aake' cheesan qetz. As jik chit itxumb'al Aak ti' ib'anat u b'a'ne' uva' alel kan sqi' ta'n Aak.

As la val sete, ech ekuyat u k'axk'oe' la eb'ane' eche' kat ib'an u Cristo tul kat ipaleb'e Aak u k'axk'oe' tuk' vichi'ole'. Tan ab'il uva' kat paleb'en u k'axk'oe' tuk' vichi'ole', as ye' la ik'ul ve't tib' itxumb'al tuk' u paave'. As tul at vatz u tx'ava'e', as ye' la ib'an unq'a va'lexhe' uva' ni tachva vichi'ole'. Pet a' u b'a'ne' la ib'ane' uva' nisa' u Tiixhe'.

Asoj la yoq'pu ve't ex ti' uva' ex niman tetz u Cristo, as achveb'al chit ex, tan at ve't u Tiixhla Espíritu seti' tuk' vinimla b'a'nile'. As ootzimal sqa'n uva' niyoq'on unq'a tename' ti' u Cristo. Pet ech koj ex, tan netoksa iq'ii Aak.