Popular Bible Verses from TIPISALEMA 62

Share

N'wina vanhu, tshembani Xikwembu hi masiku hinkwawo, Halatani timbilu ta n'wina emahlweni ka xona; Xikwembu i vuchavelo bya hina.

Hakunene, moya wanga wu wisa hi ku tshemba Xikwembu, Hikuva ku tshemba ka mina ku pfa eka xona.

Kunene hi xona ribye ranga ni ku hlayiseka ka mina; Vuchavelo byanga lebyi tlakukeke, ndzi nga ka ndzi nga tsekatsekisiwi.

Kunene, moya wa mina wu wisa eka Xikwembu; Ku hlayiseka ka mina ku huma eka xona.

Kunene hi xona xi nga ribye ra nga ni ku hlayiseka ka mina! I vuchavelo bya nga lebyi tlakukeke, ndzi nga ka ndzi nga tsekatsekisiwi ngopfu.

Ku hlayiseka ka mina ni ku kwetsima ka mina ku tshamisa eka Xikwembu; Ribye ra matimba ya mina, ni vuchavelo bya mina swi le ka Xikwembu.