Popular Bible Verses from TIPISALEMA 59

Share

Kambe mina ndzi ta yimbelela matimba ya wena; Ndzi ta twarisa tintswalo ta wena wa ha ri mixo; Hikuva u ve khokholo ra mina leri tlakukeke, Ni vuchavelo hi siku ra mahlomulo ya mina.

Matimba ya mina! Ndzi ta ku twarisa, Hikuva Xikwembu i khokholo ra mina leri tlakukeke, Xikwembu lexi ndzi tsetselelaka.

Hikwalaho ka matimba ya vona, ndzi ta languta eka wena; Hikuva Xikwembu i vuchavelo bya mina lebyi tlakukeke. Xikwembu xanga xi ta ta ndzi hlanganisa hi tintswalo ta xona, Xi ta tsakisa mahlo ya mina eku biweni ka valala va mina.

Xikwembu xanga! Ndzi lwele eka lava ndzi vengaka! Ndzi veke ekule ni valala va mina.