Popular Bible Verses from TIPISALEMA 34

Share

Yehovha u kusuhi ni lava nga ni timbilu leti tshovekeke, U ponisa va mimoya leyi khinyekeke.

Ndzi lavile Yehovha, kutani u ndzi hlamurile; A ndzi kutsula eku chaveni hinkwako ka mina.

Makhombo ya la lulameke ma tele ngopfu, Kambe Yehovha u n'wi humesa eka wona hinkwawo.

Nantswani, mi va mi vona leswaku Yehovha hi lonene swonghasi! Ku katekile munhu la chavelaka eka yena.

La langutaka eka yena wa voningiwa, Kutani tingana ti nga ka ti nga vi kona emombyeni wa yena.

Lava lulameke va huwelela, kutani Yehovha a va yingisa, U va wisisa emapfalweni hinkwawo ya vona.

Ntsumi ya Yehovha yi rhendzela lava n'wi chavaka, Kutani yi va kutsula.

Fularhela leswo biha, u endla leswinene; Lava ku rhula, u ku landzelela.

Chavisa ririmi ra wena eka leswo biha, Ni milomu ya wena eka marito ya ku kanganyisa.

Mahlo ya Yehovha ma languta lava lulameke, Ni tindleve ta yena ti pfulekela ku huwelela ka vona.

Dzunisani Yehovha kun'we na mina! A hi kuriseni swin'we vito ra yena!