Popular Bible Verses from TIPISALEMA 139

Share

Ndza ku khensa hikwalaho ka mahlori ya xivumbeko xa mina. Mitirho ya wena ya hlamarisa, Moya wa mina wa swi tiva swinene ngopfu.

Xikwembu, ndzi kambe, u tiva mbilu yanga! Ndzi ringe, u tiva ku anakanya ka mina! Languta loko ndzi famba hi ndlela ya ku homboloka, Kutani u ndzi fambisa endleleni ya vutomi lebyi nga heriki.

Kunene hi wena la vumbeke xisuti xa mina, U ndzi vumbile ekhwirini ra manana.

Mahlo ya wena ma vonile ku vumbiwa ka swona, Kutani masiku ya mina ma tsariwile hinkwawo ebukwini ya wena; Ma hlayiwile ma nga si va kona.

Yehovha! U ndzi kambile, wa ndzi tiva

Xana ndzi nga ya kwihi, ndzi va kule ni moya wa wena? Kumbe ndzi nga balekela kwihi, ndzi va kule ni mombo wa wena?

U tiva loko ndzi tshama, ni loko ndzi pfuka; U tiva miehleketo ya mina u ri kule

Hikuva rito loko ri nga si fika eririn'wini ra mina, U ri tivile hinkwaro, oho Yehovha!

Wa ndzi kamba loko ndzi famba, ni loko ndzi etlela, Kutani u tiva tindlela ta mina hinkwato.