Popular Bible Verses from TIPISALEMA 103

Share

Moya wanga, khensa Yehovha! U nga rivali mitirho ya yena hinkwayo lerinene!

Hi yena la ku rivalelaka milandzu ya wena hinkwayo, La hanyisaka mavabyi ya wena hinkwawo; La kutsulaka vutomi bya wena ekheleni ku tlhandleka harhi ya nsovo ni tintswalo; Hi yena la ku xurhisaka hi leswo nandziha eku dyuhaleni ka wena, Vuntshwa bya wena byi ko byi pfuxiwa kukotisa gama.

Moya wanga, khensa Yehovha! Na swona hinkwaswo leswi nga eka mina A swi khense vito ra ku kwetsima ka yena!

Hi laha tatana a nga ni tintswalo eka vana va yena, Hi sweswo Yehovha u ni tintswalo eka lava n'wi chavaka.

Hi laha vuxa byi hambaneke ni vupeladyambu, U hambanyisile sweswo ku dyoha ka hina kule na hina.

Yehovha u ni tintswalo ni ku tsetselela, U hlwela ku kariha, u tele vunene.

A nga hi endlelanga hi mpimo wa ku dyoha ka hina, A nga hi rihisanga hi mpimo wa milandzu ya hina. Hikuva hi laha matilo ma tlakukeke ehenhla ka misava, Hi sweswo nsovo wa yena wu kurile ehenhla ka lava n'wi chavaka

Yehovha u vekile xiluvelo xa yena ematilweni, Kutani vuhosi bya yena byi fuma swilo hinkwaswo.